சூப்பரான நாட்டுக் கோழி குழம்பு செய்வது எப்படி?

காரமான நாட்டு கோழி குழம்பு, வெங்காயம், இஞ்சி மற்றும் பூண்டு, முழு மசாலா, வறுத்த தேங்காய் வைத்து செய்யப்படும் சுவையான ஒரு கறியாகும்.

இதை வேண்டாம் என்று சொல்பவர்களிக் எண்ணிக்கை குறைவாக தான் இருக்கும். நாட்டுக்கோழியில் உள்ள இறைச்சி கொஞ்சம் கடினமானதாகவும், வழக்கமான பிராய்லர் கோழியைப் போல மென்மையாகவும் இருக்காது.

எனவே நாட்டுக் கோழியை சமைக்க அதிக நேரம் எடுக்கும். ஆகவே வீட்டிலேயே எப்படி சூப்பரா நாட்டுக் கோழி குழம்பு செய்யலாம் என இந்த பதிவில் பார்க்கலாம்.

தேவையான பொருட்கள்

• கோழிக்கறி - 1/2 கிலோ
  
  
• வெங்காயம் - 4
  
  
• பச்சை மிளகாய் - 4
  
  
• தக்காளி - 4
  
  
• சிவப்பு மிளகாய் - 8
  
  
• தனியா - ஒரு கைப்பிடி
  
  
• மஞ்சள் தூள் - 1/2 தேக்கரண்டி
  
  
• மிளகு - 1 தேக்கரண்டி
  
  
• சீரகம் - 1 தேக்கரண்டி
  
  
• சோம்பு - 1/2 தேக்கரண்டி
  
  
• இஞ்சி - 1 துண்டு
  
  
• பூண்டு - 1(முழு)
  
  
• கசகசா - 1 தேக்கரண்டி
  
  
• தேங்காய் - 1/2 மூடி
  
  
• கிராம்பு, பட்டை, ஏலக்காய் - சிறிதளவு
  
  
• எண்ணெய் - ஒரு குழிக்கரண்டி
  
  
• கறிவேப்பிலை - 1 கொத்து
  
  
• உப்பு - தேவையான அளவு 

செய்முறை

• சிவப்பு மிளகாய், தனியா, மிளகு, சீரகம், சோம்பு, கசகசா இவற்றை எண்ணெய் விடாமல் வறுத்து, அரைத்து எடுத்துக்கொள்ளவும். 
  
  
• அடுப்பில் ஒரு பாத்திரத்தில் எண்ணெய் ஊற்றிஏலக்காய் பட்டை மற்றும் கிராம்பு மற்றும் வெங்காயம், பச்சை மிளகாயைப் போட்டு நன்கு வதக்கவும்.
  
  
• அடுத்து தக்காளி இஞ்சி, பூண்டு விழுது போட்டு வதக்கி கோழிக்கறி, மஞ்சள் பொடி, உப்பு போட்டு நன்கு வதக்கவும்.
  
  
• இறுதியாக அரைத்த மிளகாய், தேங்காயை சேர்த்து வதக்கி, நீர் ஊற்றி கொதிக்க வைக்கவும்.
  
  
• கொதித்து வரும் போது கறிவேப்பிலை, கொத்தமல்லி சேர்த்து அடுப்பில் இருந்து இறக்க வேண்டும்.