டி20யில் 167 ஓட்டங்கள் வித்தியாசத்தில் நேபாளம் இமாலய வெற்றி

Malaysia Nepal National Cricket Team

By Sivaraj Jun 04, 2026 02:07 PM GMT

Sivaraj

in கிரிக்கெட்

Report

மலேசியா அணிக்கு எதிரான டி20 போட்டியில் நேபாளம் 167 ஓட்டங்கள் வித்தியாசத்தில் இமாலய வெற்றி பெற்றது.

ஆசிப் ஷேக் 68 ஓட்டங்கள்

நேபாளம் மற்றும் மலேசியா அணிகளுக்கு இடையிலான, ஆசிய டி20 போட்டித் தொடரின் தகுதிச்சுற்று ஆட்டம் சிங்கப்பூரில் நடந்தது.

Kushal Bhurtel

இதில் முதலில் ஆடிய நேபாள அணியில், ஆசிப் ஷேக் மற்றும் குஷால் புர்டெல் கூட்டணி 52 பந்துகளுக்கு 134 ஓட்டங்கள் குவித்தது.

அரைசதம் அடித்த ஆசிப் ஷேக் 24 பந்துகளில் 68 ஓட்டங்கள் (7 சிக்ஸர்கள், 5 பவுண்டரிகள்) விளாசி ஆட்டமிழந்தார்.

அடுத்து சந்தீப் 15 ஓட்டங்களில் வெளியேற, அணித்தலைவர் திபேந்திர சிங் ஐரீ சிக்ஸர்களை பறக்கவிட்டார்.

மறுமுனையில், குஷால் புர்டெல் (Kushal Bhurtel) வாணவேடிக்கை காட்ட நேபாள அணியின் ஸ்கோர் ஜெட் வேகத்தில் உயர்ந்தது.

அணியின் ஸ்கோர் 231 ஆக இருந்தபோது, திபேந்திர சிங் 11 பந்துகளில் 4 சிக்ஸர்கள் மற்றும் ஒரு பவுண்டரியுடன் 31 ஓட்டங்கள் விளாசி அவுட் ஆனார்.

Kushal Bhurtel

குஷால் புர்டெல் சதம்

சதம் விளாசிய குஷால் புர்டெல் 54 பந்துகளில் 126 ஓட்டங்கள் குவித்தார். அவரது ஸ்கோரில் 8 சிக்ஸர்கள், 14 பவுண்டரிகள் அடங்கும்.

நேபாள அணி 20 ஓவர்களில் 7 விக்கெட்டுகள் இழப்பிற்கு 275 ஓட்டங்கள் குவித்தது. விரன்தீப் சிங் 3 விக்கெட்டுகளும், சையத் மற்றும் விஜய் தலா 2 விக்கெட்டுகள் கைப்பற்றினர்.

பின்னர் களமிறங்கிய மலேசிய அணி 20 ஓவர்களில் 9 விக்கெட்டுகள் இழப்பிற்கு 108 ஓட்டங்களே எடுத்தது. இதன்மூலம் நேபாள அணி 167 ஓட்டங்கள் வித்தியாசத்தில் அபார வெற்றி பெற்றது.

அணித்தலைவர் சையத் அஸிஸ் முபாரக் 54 (45) ஓட்டங்களும், ஷர்வின் 18 (25) ஓட்டங்களும் எடுத்தனர். ஷெர் மல்லா 3 விக்கெட்டுகள் வீழ்த்தினார்.

Kushal Bhurtel