கடைசி பந்தில் 1 ரன் தேவை: Wide வீசிய பவுலர்..297 இலக்கை எட்டிய அணி

ஸ்கொட்லாந்து அணிக்கு எதிரான ஒருநாள் போட்டியில் நேபாளம் ஒரு விக்கெட் வித்தியாசத்தில் வெற்றி பெற்றது. 

மெக்கிரீத் 55 ஓட்டங்கள்

டண்டீயில் நடந்த ஒருநாள் போட்டியில் ஸ்கொட்லாந்து மற்றும் வங்காளதேசம் அணிகள் மோதின.

முதலில் களமிறங்கிய ஸ்கொட்லாந்து அணியில் சார்லி டியர் (Charlie Tear) 72 பந்துகளில் 80 ஓட்டங்கள் விளாசினார்.

அணித்தலைவர் பெர்ரிங்டன் 40 ஓட்டங்கள் எடுக்க, மெக்கிரீத் 67 பந்துகளில் 55 ஓட்டங்கள் விளாசினார். 

விக்கெட் கீப்பர் மேத்யூ கிராஸ் 39 ஓட்டங்களும், லீஸ்க் 18 ஓட்டங்களும் எடுக்க ஸ்கொட்லாந்து 296 ஓட்டங்கள் குவித்தது. ரிஜன், கரண் மற்றும் சோம்பல் கமி தலா 2 விக்கெட்டுகளை வீழ்த்தினர்.  

குஷால் பூர்டெல் அதிரடி அரைசதம்

பின்னர் ஆடிய நேபாளம் அணியில் ஆசிப் ஷெய்க் 20 ஓட்டங்களில் வெளியேற, அதிரடி அரைசதம் விளாசிய குஷால் பூர்டெல் 53 (44) ஓட்டங்கள் எடுத்த நிலையில் ஆட்டமிழந்தார்.

அடுத்து வந்த அணித்தலைவர் ரோஹித் பாடேல் 37 ஓட்டங்களும், பீம் ஷார்க்கி 40 ஓட்டங்களும் எடுத்து வெளியேறினர்.  

ஆரிஃப் ஷெய்க் (7), திபேந்திர சிங் ஐரீ (8) சொதப்ப, கரண் அதிரடியில் மிரட்டினார். ஒருபுறம் விக்கெட்டுகள் வீழ்ந்தாலும், சிக்ஸர்களை பறக்கவிட்டு கரண் (Karan) அரைசதம் விளாசினார். 

RCB கோப்பை வென்றால் ஓய்வு முடிவை மறுபரிசீலிக்கும் கோலி? பிசிசிஐ வலியுறுத்தல்

கடைசி பந்தில் த்ரில் வெற்றி

கடைசி ஓவரின் 6வது பந்தில் நேபாள அணியின் வெற்றிக்கு ஒரு ரன் தேவைப்பட்டது. அந்த ஓவரை வீசிய மார்க் வாட் கடைசி பந்தை அகலபந்தாக (Wide) வீச நேபாளம் ஒரு விக்கெட் வித்தியாசத்தில் த்ரில் வெற்றி பெற்றது.

இறுதிவரை களத்தில் நின்ற கரண் 41 பந்துகளில் 4 சிக்ஸர், 3 பவுண்டரிகளுடன் 65 ஓட்டங்கள் விளாசினார்.

ஸ்கொட்லாந்து தரப்பில் பிரண்டன் மெக்முல்லன் 3 விக்கெட்டுகளும், ஜேக் ஜார்விஸ் மற்றும் மைக்கேல் லீஸ்க் தலா 2 விக்கெட்டுகளும் கைப்பற்றினர்.