38,000 சதுர அடி, 12 படுக்கையறை... இஷா அம்பானியின் வீட்டை வாங்கிய பிரபல நடிகையின் சொத்து எவ்வளவு?

முகேஷ் அம்பானியின் மகளான இஷா அம்பானியின் பிரமாண்டமான வீட்டை வாங்கிய பிரபல நடிகையின் சொத்து மதிப்பு வெளியாகியுள்ளது.

இஷா அம்பானியின் பிரமாண்டமான வீடு

முகேஷ் அம்பானியும் நீதா அம்பானியும் 15,000 கோடி ரூபாய் மதிப்புள்ள இந்தியாவின் மிக விலையுயர்ந்த வீடான ஆண்டிலியாவில் வசிக்கின்றனர்.

முகேஷ் அம்பானி மற்றும் நீதா அம்பானியைப் போலவே, அவர்களின் பிள்ளைகளும் மற்றும் பிற குடும்ப உறுப்பினர்களும் உலகம் முழுவதும் கோடிக்கணக்கான ரூபாய் மதிப்புள்ள ஆடம்பர வீட்டில் வசித்து வருகின்றார்கள்.

சமீபத்தில், முகேஷ் அம்பானி மற்றும் நீதா அம்பானியின் மகள் இஷா அம்பானி மற்றும் அவரது கணவர் ஆனந்த் பிரமல் ஆகியோர் லாஸ் ஏஞ்சல்ஸில் உள்ள தங்களுடைய ஆடம்பர மாளிகையை விற்றனர்.

அந்த வீடானது 38,000 சதுர அடி பரப்பளவில் 12 படுக்கையறைகள் மற்றும் 24 குளியலறைகளையும் ஹை டெக் ஜிம், பேட்மிண்டன் விளையாட்டு மைதானம், 155 அடி நீளமுள்ள நீச்சல் குளம் போன்ற வசதிகளுடனும் கட்டப்பட்டுள்ளது.

இஷா அம்பானி தனது கணவர் மற்றும் பிள்ளைகளுடன் மும்பையில் வசித்து வருவதால் அந்த வீட்டை விற்பதற்கு முடிவு செய்து, ஹாலிவுட் பிரபல ஜோடிகளான ஜெனிபர் லோபஸ் மற்றும் பென் அஃப்லெக் என்பவர்களுக்கு ரூ.494 கோடிக்கு விற்றுள்ளனர்.

யார் இந்த ஜெனிபர் லோபஸ்?

ஜெனிபர் லோபஸ் என்பவர் அமெரிக்க பாடகி, நடிகை மற்றும் நடனக் கலைஞர் ஆவார். அவர் ஒரு நடனக் கலைஞராக தனது வாழ்க்கையைத் தொடங்கி 1991 ஆம் ஆண்டு திரைப்படத்தில் நடிப்பதற்கும் ஆரம்பித்தார். 

'செலினா' (1997), 'அனகோண்டா' (1997) போன்ற படங்களில் முன்னணி பாத்திரங்களில் இவர் நடித்துள்ளார்.

ஜெனிபர் லோபஸ் ஹாலிவுட்டின் மிகப்பெரிய நட்சத்திரங்களில் ஒருவர். அவரது இசை மற்றும் அவரது நடிப்பு வாழ்க்கைக்கு மக்கள் மத்தியில் நல்ல வரவேற்பு இருக்கிறது. 

இந்நிலையில் இவருக்கு கோடிக் கணக்கில் சொத்து இருப்பதாக தெரியவந்துள்ளது.

அதாவது இவருடைய நிகர மதிப்பு 400 மில்லியன் டாலர்கள், அதாவது ரூ 3000 கோடிக்கு மேல் இருக்கும் என கூறப்படுகிறது.    

View this post on Instagram

A post shared by Isha Ambani Piramal (@_ishaambanipiramal)