லங்காசிறி FM
பிரான்சில் கடத்தப்பட்ட குறைப்பிரசவ குழந்தை நெதர்லாந்தில் மீட்பு.!
பிரான்சில் கடத்தப்பட்ட புதிதாக பிறந்த குழந்தை நெதர்லாந்தில் உயிருடன் மீட்கப்பட்டது.
பிரான்ஸ் தலைநகர் பாரிசின் புறநகர் பகுதியில் உள்ள வைத்தியசாலையில் இருந்து கடத்தப்பட்ட புதிதாக பிறந்த குழந்தை சாந்தியாகோ (Santiago) நெதர்லாந்தின் தலைநகர் ஆம்ஸ்டர்டாமில் கண்டுபிடிக்கப்பட்டுள்ளார்.
அக்டோபர் 21 அன்று, சென்-சென்-டெனிஸ் பகுதியில் அமைந்துள்ள Robert Ballanger வைத்தியசாலையில் Aulnay-sous-Bois பிரிவில் இருந்த குழந்தையை அவரது பெற்றோர் கடத்தியதாக தெரிவிக்கப்படுகிறது.
இந்த குழந்தை குறைப்பிரசவத்தில் முன்பாக பிறந்ததால் மருத்துவ சிகிச்சையில் இருந்தது.
நான்கு நாள் தேடல்
குழந்தை கடத்தப்பட்டதையடுத்து, பிரான்ஸ் முழுவதும் எச்சரிக்கை விடுக்கப்பட்டதோடு, ஐரோப்பா முழுவதும் தேடுதல் நடவடிக்கை மேற்கொள்ளப்பட்டது.
இறுதியில், அக்டோபர் 25 அன்று, சாந்தியாகோவையும் அவருடைய பெற்றோர் கிறிஸ்டினா (25) மற்றும் கேவின் (23) ஆகியோரை ஆம்ஸ்டர்டாமில் உள்ள ஒரு ஹோட்டலில் பொலிஸார் கண்டுபிடித்தனர்.
சாந்தியாகோ மீண்டும் ஆம்ஸ்டர்டாமில் உள்ள மருத்துவமனையில் அனுமதிக்கப்பட்டுள்ளார்.
சுகாதார நிலைமை முழுமையாக சீராகிய பிறகு, அவரை பிரான்ஸுக்கு திருப்பி அனுப்ப திட்டமிட்டுள்ளனர்.
தந்தை, தாயின் நிலை
குழந்தையை கடத்தியதாகக் கூறப்படும் சாந்தியாகோவின் பெற்றோர் தற்போது நெதர்லாந்தில் கைது செய்யப்பட்டுள்ளனர்.
அவர்கள் விரைவில் பிரான்சுக்கு நாடு கடத்தப்படவுள்ளனர், அங்கு அவர்கள் இருவரும் குழந்தை கடத்தல் மற்றும் பராமரிப்பு மறுப்பு குற்றச்சாட்டுகள் எதிர்கொள்ள வேண்டியிருக்கும்.
உரிமை மீறலா?
பெற்றோர்களின் வழக்கறிஞர், “சாந்தியாகோவின் தாய் மருத்துவ பராமரிப்பை மறுக்கவில்லை; குழந்தையை வேறு பிரிவில் வைப்பதற்கு எதிர்ப்பு தெரிவித்ததால் இப்படி நடந்தார்” எனக் கூறினார்.
பொது வழக்கறிஞர் கூறியதாவது: “பெற்றோர் குழந்தையை அனுமதி இல்லாமல் மருத்துவமனையிலிருந்து எடுத்துச் செல்லுவது அவர்களின் பெற்றோர்மை அதிகாரத்தை துஷ்பிரயோகம் செய்வதாகும்.”
குற்றச் சட்டத்தின் 227-ஆவது பிரிவின் அடிப்படையில், பெற்றோர் குழந்தையை மருத்துவமனையில் இருந்து வெளியில் எடுப்பது பராமரிப்பு மறுப்பு குற்றமாகும்.
மேலும், தாயின் போதைப்பழக்கம் காரணமாக குழந்தையை பராமரிப்பது சந்தேகத்திற்கு உள்ளாக்கியிருக்கலாம் என தகவல்கள் தெரிவிக்கின்றன.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
prematurely-born baby kidnapped, paris, France, Netherlands, Amsterdam
புலோலி தெற்கு, Melbourne, Australia, Victoria, Australia, Zambia, South Africa, சிம்பாப்பே, Zimbabwe
24 Jul, 2026
வேலணை மேற்கு 8ம் வட்டாரம், Jaffna, யாழ் கொட்டடி சீனிவாசகம் வீதி, Jaffna, Northwood, United Kingdom
24 Jul, 2022
புங்குடுதீவு 10ம் வட்டாரம், ஆனைக்கோட்டை, கொழும்பு, Scarborough, Canada
19 Jul, 2026
புங்குடுதீவு, பரிஸ், France, London, United Kingdom
10 Jul, 2026
புளியங்கூடல், யாழ்ப்பாணம், சென்னை, India, பிரான்ஸ், France
19 Jul, 2026
