நியூயார்க் சுரங்க ரயில் நிலையத்தில் மர்ம நபர் சரமாரி துப்பாக்கிச்சூடு! 5 பேர் பலி

New York SubwayShooting Brooklyn USNews

By Ragavan Apr 12, 2022 03:26 PM GMT

Ragavan

in அமெரிக்கா

Report

அமெரிக்காவில் நியூயார்க்கின் புரூக்ளினில் உள்ள ஒரு சுரங்கப்பாதை நிலையத்தில் உள்ளூர் நேரப்படி செவ்வாய்கிழமை காலை 8.30 மணியளவில் இந்த துப்பாக்கிச்சூடு சம்பவம் நடந்துள்ளது.

இந்த திடீர் தாக்குதலில் ஐந்து பேர் சம்பவ இடத்திலேயே சுட்டு கொல்லப்பட்டதாக தகவல்கள் தெரிவிக்கின்றன. மேலும் 13 பேர் காயமடைந்து மருத்துவமனையில் அனுமதிக்கப்பட்டுள்ளதாக நியூயார்க் நகர தீயணைப்புத் துறை தெரிவித்துள்ளது.

சம்பவ இடத்தில் அங்கு 'பல வெடிக்கப்படாத சாதனங்கள்' கண்டுபிடிக்கப்பட்டன என்று நியூயார்க் நகர அதிகாரிகள் தெரிவித்தனர்.

அதிகாரிகளின் கூற்றுப்படி, தாக்குதல் நடத்திய நபர் Gas Mask மற்றும் ஒரு பெருநகர போக்குவரத்து ஆணைய ஊழியர் அணிவதைப் போன்ற ஆரஞ்சு நிற கட்டுமான அங்கியை அணிந்திருந்ததாகவும், அவர் துப்பாக்கிச் சூடு நடத்துவதற்கு முன்பு சுரங்கரயில் நிலையத்தில் ஒரு சாதனத்தை வீசுவதைக் காண முடிந்தது என்றும் தெரிவித்துள்ளனர்.

நியூயார்க் சுரங்க ரயில் நிலையத்தில் மர்ம நபர் சரமாரி துப்பாக்கிச்சூடு! 5 பேர் பலி | New York Subway Shooting Brooklyn 5 Dead Us

துப்பாக்கிதாரியை பொலிஸார் தேடி வரும் நிலையில், அப்பகுதியில் உள்ள பள்ளிகளில் தஞ்சம் அடைந்திருக்கலாம் என தெரிவிக்கப்பட்டுள்ளது.

சம்பவ இடத்தின் நிலவரம் குறித்து அமெரிக்க ஜனாதிபதி ஜோ பைடனுக்கு விளக்கப்பட்டுள்ளது மற்றும் மூத்த ஊழியர்கள் நியூயார்க்கின் மேயர் எரிக் ஆடம்ஸுடன் தொடர்பு கொண்டுள்ளனர் என்று வெள்ளை மாளிகையின் செய்தித் தொடர்பாளர் ஜென் சாகி கூறினார்.