அசுத்தமான கழிப்பறைகளை படம் பிடித்து அனுப்பினால் ரூ.1,000 வெகுமதி வழங்கும் NHAI

nhai to reward rs 1000 if you send dirty toilet picture: இந்தியாவில் உள்ள சுங்கச்சாவடிகளில் அசுத்தமான கழிப்பறைகளைப் படம் பிடித்து அனுப்பினால் ரூ.1,000 வெகுமதி வழங்கும் திட்டத்தை NHAI தொடங்கியுள்ளது.

அசுத்தமான கழிப்பறைகளை படம் பிடித்து அனுப்பினால் ரூ.1,000

நாடு முழுவதும் உள்ள தேசிய நெடுஞ்சாலையில் உள்ள சுங்கச்சாவடிகளில் அசுத்தமான கழிப்பறைகளைப் பற்றிப் புகாரளிக்க நெடுஞ்சாலைப் பயனர்களை ஊக்குவிக்கும் வகையில், ஃபாஸ்டேக் ரீசார்ஜ் மூலமாக ரூ.1,000 வெகுமதி தரும் திட்டத்தை அறிவித்துள்ளது. 

31 அக்டோபர் 2026 வரை இந்த திட்டத்தின் கீழ் புகாரளித்து வெகுமதி பெறலாம்.

NHAI அதிகார வரம்பின் கீழ் கட்டப்பட்ட, இயக்கப்படும் அல்லது பராமரிக்கப்படும் கழிப்பறைகளுக்கு மட்டுமே இந்த திட்டம் பொருந்தும்.

சில்லறை எரிபொருள் நிலையங்கள், தாபாக்கள் அல்லது NHAIயின் கட்டுப்பாட்டில் இல்லாத பிற பொது இடங்களில் அமைந்துள்ள மற்ற கழிப்பறைகளுக்கு இதில் இருந்து விலக்கு அளிக்கப்படும். 

நூடுல்ஸ் சாப்பிட்ட ஒரே குடும்பத்தை சேர்ந்த 5 பேர் உயிரிழப்பு

இந்தத் திட்டத்தின் கீழ், நெடுஞ்சாலைப் பயணிகள் ராஜ்மார்க்யாத்ரா செயலியின் புதிய பதிப்பைப் பயன்படுத்தி அழுக்கு கழிப்பறைகளின் புவி குறியிடப்பட்ட மற்றும் நேர முத்திரையிடப்பட்ட புகைப்படங்களைப் பதிவேற்றலாம்.

அவர்கள் தங்கள் பெயர், இருப்பிடம், வாகனப் பதிவு எண் (VRN) மற்றும் மொபைல் எண்ணையும் உள்ளிட வேண்டும். 

To enhance commuter convenience and maintain high hygiene standards across National Highways, #NHAI is conducting the ‘#CleanToiletPictureChallenge’. National Highway users are encouraged to report any unclean toilet facilities at Toll Plazas. ➡️ Upload geo-tagged photographs through the latest version of the Rajmargyatra App, along with your Name, Location, Vehicle Registration Number (VRN) and Mobile Number. ➡️ Verified and eligible VRNs will receive a ₹1,000 FASTag recharge as a reward. Join us in ensuring cleaner amenities and a better travel experience for all. @MORTHIndia @swachhbharat @PIBMoRTH #NHAI #PragatiKaHighway #BuildingANation

— NHAI (@NHAI_Official) October 8, 2026

சரிபார்ப்பிற்குப் பிறகு அறிக்கை சரியானது எனக் கண்டறியப்பட்டால், வாகன எண்ணில் ரூ.1,000 ஃபாஸ்டேக் ரீசார்ஜ் வடிவில் வரவு வைக்கப்படும்.

திட்டத்தின் முழு காலத்திலும் ஒவ்வொரு வாகன பதிவு எண்ணுக்கும் ஒரு முறை மட்டுமே வெகுமதி கிடைக்கும். 

முறையான கழிப்பறைகள் இல்லாத நாடு... விமர்சித்த கேற்றி ஸக்கரியாவுக்கு பதிலடி கொடுத்த சீனா

அதேபோல், பல புகார்கள் பதிவு செய்யப்பட்டாலும், ஒரு கழிப்பறைக்கு ஒரு நாளைக்கு ஒரு முறை மட்டுமே வெகுமதி அளிக்கப்படும். ஒரே நாளில் பலர் ஒரே கழிப்பறையைப் பற்றிப் புகாரளித்தால், முதலில் சரியாக அறிக்கை அனுப்புபவருக்கு மட்டுமே வெகுமதி கிடைக்கும்.

பயன்பாட்டின் மூலம் எடுக்கப்பட்ட தெளிவான, அசல் மற்றும் புவிசார்-குறிச்சொற்கள் கொண்ட புகைப்படங்கள் மட்டுமே செல்லுபடியாகும் என்று NHAI தெரிவித்துள்ளது. திருத்தப்பட்ட, நகல் அல்லது ஏற்கனவே புகாரளிக்கப்பட்ட படங்கள் நிராகரிக்கப்படும்.