நாட்டிற்குள் நுழைய 5 மில்லியன் டொலர்..போத்தல் சேவை கட்டணம் வசூலிக்கிறார் ட்ரம்ப்: கிண்டலடித்த பிரபலம்

Donald Trump

By Sivaraj Mar 29, 2026 06:24 PM GMT

Sivaraj

in அமெரிக்கா

Report

அமெரிக்க நகைச்சுவை நடிகரான நிக் கெனான், ஜனநாயகக் கட்சியினரை கடுமையாக விமர்சித்ததுடன், ஜனாதிபதி டொனால்ட் ட்ரம்பை ஆதரிப்பதாக தெரிவித்தார்.

தீவிர ஆதரவாளர்

தொலைக்காட்சி தொகுப்பாளர் மற்றும் நடிகரான நிக் கெனான், அமெரிக்க மொடலான ஆம்பர் ரோஸ் உடன் நேர்காணலில் கலந்துகொண்டார்.

Amber Rose

அவர்களது உரையாடலில், தான் ஜனாதிபதி டொனால்ட் ட்ரம்பின் தீவிர ஆதரவாளர் என்றும், குடியரசுக் கட்சிக்கு வாக்களிப்பவராக இருப்பதுடன் தன்னை ஒரு முன்னாள் தாராளவாதி என்று ஆம்பர் ரோஸ் விவரித்துக் கொண்டார்.

ஆனால், இந்த உரையாடலின் தொடக்கத்தில் கெனான் ஜனநாயகக் கட்சியினரை KKK கட்சி என்று கடுமையாக விமர்சித்தார்.

நாட்டிற்குள் நுழைய 5 மில்லியன்

அதற்கு பதிலளித்த ஆம்பர் ரோஸ், ஜனநாயகக் கட்சியில் இருந்து குடியரசுக் கட்சிக்கு மாறியதற்கான காரணத்தை விளக்கியபோது, ஜனநாயகக் கட்சியினர் கறுப்பின மக்கள் மீதும், பிற நிற மக்கள் மீதும் அக்கறை காட்டுவதில்லை என்று குறிப்பிட்டார்.

நான் உங்களுடன் 100 சதவீதம் உடன்படுகிறேன் என்று கூறிய கெனான், குடியரசுக் கட்சியினர்தான் அடிமைகளை விடுவித்த கட்சி என்று பாராட்டினார்.

Donald Trump

அதே சமயம், ட்ரம்ப் ஒரு கிளப் மாதிரி என்றும், அவர் இப்போது சொன்னதை செய்கிறார், நமக்கு இப்போது வளைகுடா அமெரிக்கா கிடைத்துவிட்டது என்றதுடன், "நாட்டிற்குள் நுழைய 5 மில்லியன் டொலர் போத்தல் சேவை கட்டணம் வசூலிக்கிறார்; நான் அவரை ஆதரிக்கிறேன்" என்று நகைச்சுவையாக கூறினார்.

Nick Cannon