லங்காசிறி FM
ஐசிசி சாம்பியன்ஸ் டிராபி: சொந்த மண்ணில் நியூசிலாந்திடம் தோல்வியை தழுவிய பாகிஸ்தான்
Thiru
in கிரிக்கெட்
நடப்பு ஐசிசி சாம்பியன்ஸ் டிராபி கிரிக்கெட் தொடரின் முதல் ஆட்டத்தில் நியூசிலாந்து அணி 60 ஓட்டங்கள் வித்தியாசத்தில் பாகிஸ்தானை வீழ்த்தி உள்ளது.
நியூசிலாந்து-பாகிஸ்தான் மோதல்
நடப்பு ஐசிசி சாம்பியன்ஸ் டிராபி கிரிக்கெட் தொடரின் ‘ஏ’ பிரிவில் உள்ள பாகிஸ்தான் மற்றும் நியூசிலாந்து அணிகள் இடையே தொடரின் முதல் போட்டி பாகிஸ்தானில் உள்ள கராச்சி தேசிய கிரிக்கெட் மைதானத்தில் நடைபெற்றது.
இதில் நாணய சுழற்சியில் வென்ற பாகிஸ்தான் அணியின் கேப்டன் முகமது ரிஸ்வான் பந்துவீச்சை தேர்வு செய்தார்.
முதலில் பேட் செய்த நியூசிலாந்து அணி 50 ஓவர்களில் 5 விக்கெட்டுகள் இழப்புக்கு 320 ஓட்டங்கள் சேர்த்தது.
தொடக்க ஆட்டக்காரர் வில் யங் மற்றும் டாம் லேதம் இணைந்து 118 ஓட்டங்கள் பார்ட்னர்ஷிப் அமைத்தனர்.
வில் யங், 113 பந்துகளில் 107 ஓட்டங்கள் எடுத்து ஆட்டமிழந்தார்.
இறுதிவரை களத்தில் இருந்த டாம் லேதம், 104 பந்துகளில் 118 ஓட்டங்கள் குவித்தார்.
நியூசிலாந்து அபார வெற்றி
321 ஓட்டங்கள் என்ற இலக்குடன் களமிறங்கிய பாகிஸ்தான் அணியில் பாபர் அசாம், சவுத் ஷகீல் இணைந்து இன்னிங்ஸை தொடங்கினர்.
சவுத் ஷகீல் வெறும் ஆறு ஓட்டங்களுடன் நடையை கட்ட, கேப்டன் ரிஸ்வான் 3 ஓட்டங்கள், ஃபகர் ஸமான் 24 ஓட்டங்கள், தய்யப் தாஹிர் 1, ஷாஹின் அஃப்ரிடி 14, நஸீம் ஷா 13 என அணி தடுமாறியது.
.@babarazam258 brings up his 35th ODI fifty 🏏#PAKvNZ | #ChampionsTrophy | #WeHaveWeWill pic.twitter.com/rMmkAGOqnm
— Pakistan Cricket (@TheRealPCB) February 19, 2025
பாபர் அசாம் 90 பந்துகளில் 64 ஓட்டங்கள் குவித்து அணியை சமநிலைப்படுத்த போராடினார். மற்றும் குஷ்தில் ஷா 69 ஓட்டங்கள் எடுத்து அணியின் ஸ்கோரை ஏற்ற உதவினார்.
இறுதியில் 47 ஓவர்களில் 10 விக்கெட் இழப்புக்கு 260 ஓட்டங்களுடன் பாகிஸ்தான் அணி தோல்வியை தழுவியது.
இவற்றில் குறிப்பிடத்தக்க விஷயம் என்னவென்றால், ஐசிசி சாம்பியன்ஸ் டிராபி வரலாற்றில் 2000, 2006, 2009, 2025 என இதுவரை நியூசிலாந்து அணியுடன் மோதிய 4 போட்டிகளிலும் பாகிஸ்தான் தோல்வியை தழுவியுள்ளது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
கொக்குவில் கிழக்கு, Dortmund, Germany, London, United Kingdom
16 Feb, 2025
சுதுமலை, மருதனாமடம், வவுனியா, கொழும்பு, Harrow, United Kingdom, Coventry, United Kingdom
22 Jan, 2025
அப்புத்தளை, சங்குவேலி, பருத்தித்துறை, வவுனியா, Auckland, New Zealand, சிட்னி, Australia
21 Jan, 2025
மாத்தளை, யாழ்ப்பாணம், மல்லாகம், கிளிநொச்சி, Bruchsal, Germany, London, United Kingdom
14 Jan, 2025