லங்காசிறி FM
பிரித்தானியாவின் ’one in, one out’ திட்டத்தைக் குலைக்க கடத்தல்காரர்கள் முயற்சி
பிரித்தானியாவின் ’one in, one out’ திட்டத்தைக் குலைப்பதற்காக கடத்தல்காரர்கள் அதற்கு எதிரான நடவடிக்கை ஒன்றில் ஈடுபட்டுவருகிறார்கள்.
One in, one out திட்டம்...
பிரித்தானியாவும் பிரான்சும், பிரான்சிலிருந்து பிரித்தானியாவுக்குள் சட்டவிரோதமாக நுழைந்த புகலிடக்கோரிக்கையாளர்களை பிரான்சுக்கே திருப்பி அனுப்பும் வகையில் One in, one out என்னும் ஒப்பந்தத்தில் கையெழுத்திட்டுள்ளன.
அப்படி பிரான்ஸ் ஏற்றுக்கொள்ளும் ஒவ்வொரு புகலிடக்கோரிக்கையாளருக்கும் பதிலாக, பிரான்சிலிருந்து வரும் ஒரு புலம்பெயர்வோருக்கு பிரித்தானியா புகலிடம் அளிக்கும்.
கடத்தல்காரர்களின் திட்டம்
இந்நிலையில், அப்படி One in, one out திட்டத்தின் கீழ் பிரான்சுக்கு திருப்பி அனுப்பப்பட்டவர்களில் சிலர் மீண்டும் பிரித்தானியாவில் இருப்பதை சில ஊடகங்கள் கண்டறிந்துள்ளன.
பிரான்சுக்கு திருப்பி அனுப்பப்பட்ட சிலர், லொறி மூலம் மீண்டும் பிரித்தானியாவை வந்தடைந்துள்ளது தெரியவந்தது.
2018ஆம் ஆண்டுக்கு முன், பிரான்சிலிருந்து புகலிடக்கோரிக்கையாளர்கள் லொறிகள் மூலமாகத்தான் பிரித்தானியாவுக்குள் நுழைவது வழக்கமாக இருந்தது.
Gareth Fuller/PA
ஆனால், பிரான்ஸ் அதிகாரிகள் லொறிகள் மூலம் பிரித்தானியா செல்வோரைக் கட்டுப்படுத்தத் துவங்கியதைத் தொடர்ந்து, ஆட்கடத்தல்காரர்கள் சிறுபடகுகளை பயன்படுத்தத் துவங்கினார்கள்.
சிறுபடகுகள் மூலம் பிரித்தானியாவுக்குள் நுழைவோரின் அடையாளங்களை பிரித்தானிய உள்துறை அலுவலர்கள் பதிவு செய்யத் தொடங்கியதைத் தொடர்ந்து, மீண்டும் கடத்தல்காரர்கள் லொறிகளை பயன்படுத்தத் துவங்கியுள்ளார்களாம்.
அதிர்ச்சியை ஏற்படுத்தியுள்ள ஒரு விடயம் என்னவென்றால், One in, one out திட்டத்தின் கீழ் பிரான்சுக்கு திருப்பி அனுப்பப்பட்டவர்களில் சிலர், பிரான்சிலிருக்கும்போது, அவர்களைத் தேடிக்கண்டுபிடித்த ஆட்கடத்தல்காரர்கள், அவர்களை துப்பாக்கியைக் காட்டி மிரட்டி, கட்டாயப்படுத்தி, மீண்டும் பிரித்தானியாவுக்கு அனுப்பிவைத்துள்ளார்கள் என்கிறார்கள் அப்படி லொறி மூலம் மீண்டும் பிரித்தானியா வந்துள்ள சிலர்.
ஆக, அதாவது, பிரித்தானியாவின் ’one in, one out’ திட்டத்தைக் குலைப்பதற்காக கடத்தல்காரர்கள் இத்தகைய நடவடிக்கைகளில் ஈடுபட்டுவருகிறார்களாம்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
மாவிட்டபுரம், மல்லாகம், Lewisham, United Kingdom, Harrow, United Kingdom
08 Jun, 2026
தம்பிலுவில், இணுவில் மேற்கு, Kenton, United Kingdom, இணுவில் கிழக்கு
06 Jun, 2026
புங்குடுதீவு 12ம் வட்டாரம், பேர்ண், Switzerland, Toronto, Canada
10 Jun, 2021
ஆவரங்கால், India, ஈரான், Iran, பிரான்ஸ், France, Herborn, Germany
30 May, 2026
புங்குடுதீவு 4ம் வட்டாரம், புங்குடுதீவு 5ம் வட்டாரம், செட்டிக்குளம், பேர்லின், Germany
04 Jun, 2026
