தமிழ்நாடு உள்ளிட்ட மாநிலங்களில் மறுதேர்தல் வேண்டும் - எதிர்க்கட்சிகள் கோரிக்கை

opposition parties demand fresh polls after eci clash: SIR உள்ளிட்ட பணிகளில் தேர்தல் ஆணையர்களிடையே கருத்து வேறுபாடு ஏற்பட்டுள்ளதாக தகவல் வெளியாகியுள்ள நிலையில், தமிழ்நாடு உள்ளிட்ட மாநிலங்களில் மறுதேர்தல் நடத்தப்பட வேண்டும் என எதிர்க்கட்சிகள் கோரிக்கை விடுத்துள்ளன.

தேர்தல் ஆணையர்களிடையே கருத்து வேறுபாடு

பீகார், தமிழ்நாடு, மேற்கு வங்கம் உள்ளிட்ட பல்வேறு மாநிலங்களில் சட்டமன்ற தேர்தலுக்கு முன்னர், வாக்காளர் சிறப்பு தீவிர திருத்தம் (SIR) மூலம் வாக்காளர் பட்டியலிலிருந்து ஏராளமானோரின் பெயர்கள் நீக்கப்பட்டது. 

இந்த திட்டத்திற்கு பல்வேறு அரசியல் கட்சிகள் எதிர்ப்பு தெரிவித்த நிலையில், SIR மூலம் வாக்காளர் பட்டியலிலிருந்து சுமார் 1.3 கோடி பெயர்கள் நீக்கப்பட்டது, 'படிவம் 6'-ல் விதிகளை மீறி மாற்றங்கள் செய்தது, தரவுத்தளத்தை மத்தியமயமாக்கியது ஆகிய விவகாரங்களில் தேர்தல் ஆணையாளர்களுக்கு இடையே கருத்து வேறுபாடு ஏற்பட்டுள்ளதாக இந்தியன் எக்ஸ்பிரஸ் செய்தி வெளியிட்டுள்ளது.

முக்கிய முடிவுகள் தங்கள் கவனத்திற்கு வராமலேயே எடுக்கப்படுவதாக இரு ஆணையர்களும் 10 மாதங்களில் 14 முறை எதிர்ப்பு தெரிவித்ததாக கூறியுள்ளது.

CM 2031 பதிவெண் கொண்ட காரில் சென்ற திருமாவளவன் - போலியான பதிவெண்?

மறுதேர்தல் கோரும் எதிர்க்கட்சிகள்

இதனைத்தொடர்ந்து பல்வேறு எதிர்க்கட்சிகள் SIRக்கு பின்னர் தேர்தல் நடைபெற்ற பல்வேறு மாநிலங்களில் மறுதேர்தல் நடத்த வேண்டும் என தெரிவித்துள்ளன.

இது குறித்து கருத்து தெரிவித்துள்ள மேற்கு வங்க முன்னாள் முதல்வரும், திரிணாமுல் காங்கிரஸ் தலைவருமான மம்தா பானர்ஜி, "மேலும் வங்காள சட்டமன்றத் தேர்தலை பாஜகவும், தேர்தல் ஆணையமும் சூறையாடியது இப்போது நிரூபிக்கப்பட்டுள்ளது. 

தலைமைத் தேர்தல் ஆணையர் ஞானேஷ் குமாரை கைது செய்ய வேண்டும் என்றும், மேற்கு வங்காளம் மற்றும் SIR க்கு பிறகு பாஜக வெற்றி பெற்ற பிற மாநிலங்களிலும் மீண்டும் சட்டமன்ற தேர்தல்களை நடத்த வேண்டும்" என தெரிவித்துள்ளார்.

தலைமை தேர்தல் ஆணையர் ஞானேஷ் குமாரை பணி இடைநீக்கம் செய்து, SIR நடைமுறையை நிறுத்த வேண்டும். பீகார் உள்ளிட்ட மாநிலங்களில் நடைபெற்ற தேர்தலை ரத்து செய்ய வேண்டும்” என காங்கிரஸ் மூத்த தலைவர் கபில் சிபல் தெரிவித்துள்ளார். 

இது குறித்து கருத்து தெரிவித்துள்ள மகாராஷ்டிரா முன்னாள் முதல்வரும், சிவசேனா கட்சி தலைவருமான உத்தவ் தாக்கரே, "இந்திய தேர்தல் ஆணையத்தின் தலைமை தேர்தல் ஆணையரை உடனடியாக பணிநீக்கம் செய்து சிறையில் அடைக்க வேண்டும்.

SIR நடவடிக்கைக்குப் பிறகு தேர்தல் நடைபெற்ற மகாராஷ்டிரா, மேற்கு வங்காளம், தமிழ்நாடு ஆகிய மாநிலங்களில் ஏற்கெனவே நடைபெற்ற சட்டசபை தேர்தல்களை ரத்து செய்துவிட்டு, அந்த மாநிலங்களில் வாக்குச்சீட்டுகளை பயன்படுத்தி மறுதேர்தல் நடத்த வேண்டும்" என தெரிவித்துள்ளார்.

இதே போல், தமிழ்நாடு முன்னாள் முதலமைச்சரும், திமுக தலைவருமான மு.க.ஸ்டாலின், "ஞானேஷ் குமார் அவர்களை உடனடியாகப் பதவிநீக்கம் செய்ய வேண்டும். SIR நடவடிக்கைகள் நிறுத்தப்பட வேண்டும். 

தனி ஆவர்த்தனம் செய்த தலைமைத் தேர்தல் ஆணையர் ஞானேஷ் குமார் இனியும் பதவியில் நீடிக்க கூடாது: உடனடியாக அவர் நீக்கப்பட வேண்டும்!

சிறப்புத் தீவிர திருத்தம் (SIR) என்ற பெயரில் வாக்காளர் பட்டியலில் இருந்து கோடிக்கணக்கான மக்களின் பெயர்களை நீக்கும் முடிவுக்கு திராவிட முன்னேற்றக் கழகம்… https://t.co/btHbRQwVme

— M.K.Stalin (@mkstalin) September 23, 2026

இதுவரை தேர்தல் ஆணையத்தில் நடந்த அனைத்தும் நியாயமான முறையில் விசாரிக்கப்பட்டு இதற்குப் பொறுப்பானர்வர்கள் தண்டிக்கப்பட வேண்டும்" என தெரிவித்துள்ளார்.