லங்காசிறி FM
உடனடியாக வெளியேறுங்கள்! வீடுகள் அழிப்பு..அவசர எச்சரிக்கை
Sivaraj
in ஆஸ்திரேலியா
அவுஸ்திரேலியாவில் அபாயகரமான காற்று திசை மாற்றம் கணிக்கப்பட்டுள்ளதால், புதிய எச்சரிக்கைகள் விடுக்கப்பட்டுள்ளன.
காட்டுத் தீ
அவுஸ்திரேலியாவின் தென்மேற்கு விக்டோரியாவில் உள்ள ஓட்வேஸ் மலைத்தொடரில் உள்ள கார்லைல் ரிவரில் ஏற்பட்ட காட்டுத் தீ, கட்டுப்பாட்டுக் கோடுகளை மீறியதால் பெரும் கவலையை ஏற்படுத்தியுள்ளது.
@Barwon Heads Fire Brigade/Facebook
இந்த மாகாணம் 2009ஆம் ஆண்டில் இருந்து இல்லாத மிகக் கடுமையான வெப்ப அலையை எதிர்கொண்டு வருகிறது. இது 40 டிகிரி செல்சியஸுக்கு மேல் உயர வாய்ப்புள்ளது.
விக்டோரியாவில் வீடுகள் அழிக்கப்பட்ட நிலையில், அபாயகரமான காற்று திசை மாற்றம் கணிக்கப்பட்டுள்ளது.
ஒரு பெரிய காட்டுத் தீ டசின் கணக்கான சிறிய நகரங்களில் வீடுகளை அழித்துள்ளது.
@Barwon Heads Fire Brigade/Facebook
புதிய வெளியேற்ற எச்சரிக்கைகள்
இதன் காரணமாக உடனடியாக வெளியேறுங்கள் என புதிய வெளியேற்ற எச்சரிக்கைகள் விடுக்கப்பட்டுள்ளன.
தென்மேற்கு திசையில் இருந்து ஒரு பலத்த காற்று வீசும் என்று அதிகாரிகள் எதிர்பார்க்கின்றனர்.
வனத் தீ மேலாண்மைத் துறையின் தலைமைத் தீயணைப்பு அதிகாரி கிறிஸ் ஹார்ட்மேன், 'அந்தத் தீ வேகமாக பரவும். அது ஒரு பெரும் புகை மண்டலத்தை உருவாக்கும். மேலும் அது மிகக் கணிசமான ஆற்றலைப் பெறும். வெப்பமான சூழ்நிலைகள் விக்டோரியாவில் உள்ள தீயணைப்பு வீரர்களுக்கு நிலைமையை நம்பமுடியாத அளவிற்கு கடினமாக்குகின்றன' என்று தெரிவித்தார்.
@VicEmergencey - Grampians
@PR IMAGE
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
திருநெல்வேலி, யாழ்ப்பாணம், Washington, United States
19 Jan, 2026
கொய்யாத்தோட்டம், யாழ்ப்பாணம், ஜேர்மனி, Germany, பிரான்ஸ், France, London, United Kingdom
26 Jan, 2017
