708 ஓட்டங்கள் குவித்த இஷான் கிஷன் அணி: பதிலடியாக படிக்கல், திலக் வர்மா அரைசதம்

Ishan Kishan Tilak Varma Devdutt Padikkal

By Sivaraj Sep 08, 2026 01:08 PM GMT

Sivaraj

in கிரிக்கெட்

Report

South Zone 242/6 in day 3 duleep trophy: துலீப் டிராபி இறுதிப்போட்டியில் தென் மண்டல அணி 242 ஓட்டங்கள் எடுத்துள்ளது.

சேப்பாக்கத்தில் நடந்து வரும் துலீப் டிராபி இறுதிப்போட்டியில், திலக் வர்மா தலைமையிலான அணி 3-ஆம் நாள் ஆட்டநேர முடிவில் 242 ஓட்டங்கள் எடுத்துள்ளது.

இஷான் கிஷன் 270 ஓட்டங்கள்

கிழக்கு மண்டலம், தென் மண்டலம் அணிகளுக்கு இடையிலான துலீப் டிராபி இறுதிப்போட்டி சென்னை சேப்பாக்கம் மைதானத்தில் நடந்து வருகிறது.

Vaibhav Sooryavanshi/Tilak Varma

இரட்டை சதம் விளாசிய இஷான் கிஷன் (Ishan Kishan) 270 ஓட்டங்கள் விளாச, கிழக்கு மண்டல அணி முதல் இன்னிங்ஸில் 708 ஓட்டங்கள் குவித்தது. பின்னர் முதல் இன்னிங்ஸை தொடங்கிய தென் மண்டல அணியில் ரிக்கி பியூ 1 ரன்னில் ஆட்டமிழந்தார்.

அதிரடி காட்டிய நாராயண் 32 ஓட்டங்கள் எடுத்து வெளியேற, ஷைக் ரஷீத் 27 ஓட்டங்களில் ஆட்டமிழந்தார்.

போராடும் திலக் வர்மா

நிதானமாக ஆடிய தேவ்தத் படிக்கல் (Devdutt Padikkal) 62 ஓட்டங்கள் எடுத்த நிலையில் முகேஷ் குமார் பந்துவீச்சில் அவுட் ஆனார்.

Devdutt Padikkal

சமரன் 23 ஓட்டங்களிலும், ஷ்ரேயாஸ் 26 ஓட்டங்களிலும் வெளியேற, அணித்தலைவர் திலக் வர்மா அரைசதம் அடித்தார்.

மூன்றாம் நாள் ஆட்டநேர முடிவில் தென் மண்டல அணி 6 விக்கெட்டுகள் இழப்பிற்கு 242 ஓட்டங்கள் எடுத்துள்ளது. திலக் வர்மா (Tilak Varma) 56 ஓட்டங்களுடன் களத்தில் உள்ளார்.

Devdutt Padikkal