லங்காசிறி FM
இந்தியா மீது பதிலடித் தாக்குதல்! பாகிஸ்தான் வெளியிட்ட அறிவிப்பு
இந்தியா மீதான பதிலடி தாக்குதலை தொடங்கி இருப்பதாக பாகிஸ்தான் அறிவித்துள்ளது.
பாகிஸ்தான் அறிவிப்பு
இந்திய ஏவுகணைத் தாக்குதல்களைத் தொடர்ந்து பாகிஸ்தான் இந்தியா முழுவதும் பதிலடித் தாக்குதல்களைத் தொடங்கியுள்ளதாக அறிவித்துள்ளது.
பாகிஸ்தான் ராணுவத்தின் ஊடகப் பிரிவு வெளியிட்டுள்ள தகவலின்படி, இந்தியாவிற்குள் "பல முக்கிய இலக்குகள்" மீது தாக்குதல் நடத்தப்பட்டுள்ளது.
இந்தியா பாகிஸ்தானின் மூன்று முக்கியமான விமானப்படை தளங்கள் மீது ஏவுகணைகளை வீசியதே இந்த அறிவிப்புக்கான காரணம் என்று பாகிஸ்தான் குற்றம் சாட்டியுள்ளது.
இந்த "தொடர்ச்சியான தூண்டுதலுக்கு" பதிலடியாகவே இந்த "பதிலடித் தாக்குதல்கள்" மேற்கொள்ளப்படுவதாக பாகிஸ்தான் ராணுவம் தெரிவித்துள்ளது.
குறிவைக்கப்பட்ட இராணுவ இலக்குகள்
வெளியிடப்பட்ட அறிக்கையின்படி, பாகிஸ்தான் ராணுவம் நடுத்தர தூர ஃபதே ஏவுகணைகளை பயன்படுத்தி குஜராத், பஞ்சாப், ராஜஸ்தான் ஆகிய இந்திய மாநிலங்களிலும், இந்திய நிர்வாகத்தின் கீழ் உள்ள காஷ்மீரிலும் அமைந்துள்ள விமானப்படை தளங்கள் மற்றும் ஆயுதக் கிடங்குகள் உட்பட 25 க்கும் மேற்பட்ட இராணுவ இலக்குகளை தாக்கியுள்ளது.
இதற்கு பதிலளிக்கும் விதமாக, இந்திய ராணுவம் தனது எக்ஸ் (X) பக்கத்தில் ஒரு கருத்தை பதிவிட்டுள்ளது.
அதில், பாகிஸ்தானின் இந்த நடவடிக்கையை "வெளிப்படையான அதிகரிப்பு" என்று குறிப்பிட்டுள்ளது.
மேலும், இந்தியாவின் மேற்கு எல்லைகளில் ட்ரோன் தாக்குதல்கள் மற்றும் பிற வெடிமருந்துகளை பாகிஸ்தான் பயன்படுத்தியதாகவும், அவை இந்திய வான் பாதுகாப்பு அமைப்புகளால் "உடனடியாக தாக்கி அழிக்கப்பட்டன" என்றும் இந்திய ராணுவம் திட்டவட்டமாக தெரிவித்துள்ளது.
இந்த பதிலடி நடவடிக்கைகளால் எல்லைப் பகுதிகளில் பதற்றம் நீடிக்கிறது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
நெடுந்தீவு, முரசுமோட்டை, Vancouver, Canada, Mississauga, Canada
19 May, 2024
