லங்காசிறி FM
பாகிஸ்தான் T20 உலக கிண்ணம் வெல்லுமா? பின்னணியில் அவுஸ்திரேலியா தொடர்பு
Karthikraja
in கிரிக்கெட்
ஐசிசி தொடர்களில் அவுஸ்திரேலியா லீக் சுற்றில் தொடரை விட்டு வெளியேறியதை வைத்து பாகிஸ்தான் T20 உலக கிண்ணத்தை வெல்லும் என ரசிகர்கள் கணிப்பு தெரிவித்துள்ளனர்.
2026 T20 உலக கிண்ணம்
2026 T20 உலக கிண்ணதிற்கான லீக் சுற்றுகள் இன்று நடைபெற உள்ள அவுஸ்திரேலியா மற்றும் ஓமன் அணிகளுக்கு இடையேயான போட்டியுடன் முடிவடைகிறது.
நாளை முதல் 8 அணிகள் பங்குபெறும் சூப்பர் 8 சுற்று தொடங்க உள்ளது. முன்னாள் சாம்பியனான அவுஸ்திரேலியாவை வெளியேற்றி விட்டு, ஜிம்பாப்வே அணி சூப்பர் 8 சுற்றுக்கு தகுதி பெற்றுள்ளது.
உலக கிண்ணத்தை வெல்ல அணிகளுக்கிடையே கடும் போட்டி நிலவி வரும் நிலையில், 2009ஆம் ஆண்டுக்கு பின்னர் மீண்டும் பாகிஸ்தான் உலக கிண்ணத்தை கைப்பற்றும் என ரசிகர்கள் கணிப்பு தெரிவித்துள்ளனர்.
இந்த கணிப்பிற்கு அவுஸ்திரேலியா அணி லீக் சுற்றுடன் வெளியேறியதை காரணமாக சொல்கிறார்கள்.
லீக் சுற்றின் பி பிரிவில், ஜிம்பாப்வே மற்றும் இலங்கையிடம் தோற்ற அவுஸ்திரேலியா அணி லீக் சுற்றுடன் தொடரை விட்டு வெளியேறியது.
பாகிஸ்தான் வெல்ல அவுஸ்திரேலியா தொடர்பு
முன்னதாக 2009 T20 உலக கிண்ணத்தில் லீக் சுற்றுடன் அவுஸ்திரேலியா தொடரை விட்டு வெளியேறியது. இந்த தொடரில், யூனுஸ் கான் தலைமையிலான பாகிஸ்தான் அணி இலங்கையை வீழ்த்தி உலகக் கிண்ணத்தை வென்றது.
2017 சாம்பியன்ஸ் ட்ரோபி தொடரில் லீக் சுற்றுடன் அவுஸ்திரேலியா தொடரை விட்டு வெளியேறியது. 2017 சாம்பியன்ஸ் ட்ரோபியை சர்ஃபராஸ் அகமது தலைமையிலான பாகிஸ்தான் அணி வென்றது.
1992 உலக கிண்ணத்தின் போதும் முதல் சுற்றுடன் அவுஸ்திரேலியா தொடரை விட்டு வெளியேறியது. 1992 உலக கிண்ணத்தை இம்ரான் கான் தலைமையிலான பாகிஸ்தான் அணி வென்றது.
2026 T20 உலக கிண்ணத்திலும் லீக் சுற்றுடன் அவுஸ்திரேலியா தொடரை விட்டு வெளியேறியுள்ளதால், சல்மான் ஆகா தலைமையிலான பாகிஸ்தான் அணி 2026 T20 உலக கிண்ணத்தை வெல்லும் என ரசிகர்கள் கணிப்பு தெரிவித்துள்ளனர்.
இந்தியாவிற்கு வாய்ப்பா?
அதே போல், ஜிம்பாப்வே உலக கிண்ணத்தில் அவுஸ்திரேலியாவை வீழ்த்திய போதெல்லாம், இந்தியா உலகக்கிண்ணத்தை வென்றுள்ள வரலாறு உள்ளதால், இந்தியா 2026 T20 உலக கிண்ணத்தை வெல்லும் எனவும் ரசிகர்கள் கூறி வருகின்றனர்.
2024 T20 உலக கிண்ணம் முதல் இந்திய அணி தொடர்ச்சியாக 12 போட்டிகளில் வெற்றி பெற்று ஆதிக்கம் செலுத்தி வருகிறது.
ஆனால், இதுவரை ஒரு அணி தொடர்ச்சியாக 2 முறையோ அல்லது தொடரை நடத்தும் நாடோ T20 உலக கிண்ணத்தை வென்றதாக வரலாறு இல்லை.
2024 T20 உலக கிண்ணத்தை வென்ற நாடாகவும், 2026 T20 உலக கிண்ண தொடரை நடத்தும் நாடாகவும் இந்தியா உள்ளது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
களுதாவளை, சாவகச்சேரி, மட்டக்களப்பு, London, United Kingdom
14 Apr, 2021
புங்குடுதீவு 4ம் வட்டாரம், கொழும்பு, Paris, France, Zürich, Switzerland
13 Apr, 2026
புங்குடுதீவு 11ம் வட்டாரம், புங்குடுதீவு 10ம் வட்டாரம், சுவிஸ், Switzerland, கொழும்பு
12 Mar, 2026
