லங்காசிறி FM
ஹரியின் காதலியைப்போலவே மர்மமான முறையில் உயிரிழந்துள்ள சகோதரர்
ஹரி காதலித்த கரோலின் என்னும் பெண் மர்மமான முறையில் உயிரிழந்ததுபோலவே, அவரது அண்ணனும் தன் வீட்டில் உயிரிழந்த நிலையில் கண்டுபிடிக்கப்பட்டுள்ளார்.
இளவரசர் ஹரியின் முன்னாள் காதலி
இளவரசர் ஹரி 2009ஆம் ஆண்டு காதலித்த பெண் கரோலின் ஃப்லாக். ஹரி கரோலினை காதலிக்கும் விடயம் ஊடகங்களில் வெளியானதும், கரோலினுடைய வீடு, அவரது பெற்றோர் மற்றும் தாத்தா பாட்டி வீடு, என அவருடன் தொடர்புடைய அனைத்து இடங்களையும் ஊடகவியலாளர்கள் மொய்க்கத் துவங்கிவிட்டார்களாம்.
இப்படி ஒரு வருத்தத்தையும் தொல்லையையும் கொடுக்கக்கூடிய ஒரு உறவு தேவையா என கருதிய ஜோடி, குறிப்பாக கரோலினுடைய குடும்பம் சந்தித்த தொல்லைகளைத் தொடர்ந்து, பிரிவதென முடிவு செய்து இருவரும் பிரிந்துள்ளார்கள்.
பின்னர் லூயிஸ் பர்ட்டன் என்ற நபரை காதலித்த கரோலின், அவரைத் தாக்கியதாக வழக்குத் தொடரப்பட்டது. தான் தன் காதலரைத் தாக்கவில்லை என்று அவர் கூறியும் அவர் தனது வேலையிலிருந்து நீக்கப்பட்டார்.
அதன் பிறகு லண்டனிலுள்ள தனது வீட்டில் உயிரற்ற நிலையில் கண்டெடுக்கப்பட்டார் கரோலின். அவர் தன் உயிரைத்தானே மாய்த்துக்கொண்டதாக கூறப்படுகிறது.
மர்மமான முறையில் உயிரிழந்துள்ள சகோதரர்
இந்நிலையில், கரோலினுடைய அண்ணனான பால் என்பவரும், மர்மமான முறையில் தன் வீட்டில் உயிரற்ற நிலையில் கண்டுபிடிக்கப்பட்டுள்ளார்.
இரண்டு குழந்தைகளுக்குத் தந்தையான பாலுக்கு வயது 55.
ஜூன் மாதம் 21ஆம் திகதி தன் வீட்டில் சுயநினைவின்றிக் கிடத்த பாலைக் காப்பாற்றும் முயற்சிகள் பலனளிக்கவில்லை. மருத்துவமனைக்குக் கொண்டு செல்லப்பட்ட நிலையில், அவரது உயிர் பிரிந்துள்ளது.
அவரது மரணம் தொடர்பில் விசாரணை ஒன்று துவக்கப்பட்டுள்ளது. கரோலின் இறந்து ஆறு ஆண்டுகளுக்குப் பின் பால் உயிரிழந்துள்ளது அவரது குடும்பத்தினரிடையே சோகத்தை உருவாக்கியுள்ளது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
மலேசியா, Malaysia, மானிப்பாய், Duisburg, Germany, London, United Kingdom
10 Jul, 2026
புதுக்குளம், Ilford, United Kingdom, பிரித்தானியா, United Kingdom
10 Jul, 2019
புங்குடுதீவு 11ம் வட்டாரம், மல்லாவி, ஆனைப்பந்தி, Toronto, Canada
21 Jul, 2025
