உலகின் 3-வது பணக்கார இசைக்கலைஞராக உயர்ந்த Paul McCartney

Paul McCartney Becomes World's 3rd Richest Musician: உலகின் 3-வது பணக்கார இசைக்கலைஞராக பால் மெக்கார்ட்னி புதிய உயரத்தை எட்டியுள்ளார்.

பில்லியனர் பட்டியலில் இணைந்த Paul McCartney

புகழ்பெற்ற பிரித்தானிய இசைக்கலைஞரும், உலகப் புகழ் பெற்ற தி பீடில்ஸ் (The Beatles) இசைக்குழுவின் முன்னாள் உறுப்பினருமான பால் மெக்கார்ட்னி, தற்போது பில்லியனர் பட்டியலில் இணைந்துள்ளார்.

உலகின் மூன்றாவது பணக்கார இசைக்கலைஞர்

அமெரிக்காவின் பிரபல வணிக இதழான Forbes, அவரது சொத்து மதிப்பை 1.4 பில்லியன் அமெரிக்க டொலர் என மதிப்பிட்டுள்ளது. இதன்மூலம் அவர் உலகின் மூன்றாவது பணக்கார இசைக்கலைஞராக உயர்ந்துள்ளார்.

இந்த பட்டியலில் Jay-Z 2.8 பில்லியன் டொலருடன் முதலிடத்திலும், Taylor Swift 2 பில்லியன் டொலருடன் இரண்டாவது இடத்திலும் உள்ளனர்.

மகள் பிறந்த மறுநாளே ரூ.1.5 கோடி லொட்டரி பரிசு

Paul McCartney சொத்து மதிப்பு

84 வயதான பால் மெக்கார்ட்னியின் செல்வம் அவரது இசைப் படைப்புகள் மட்டுமின்றி, புத்திசாலித்தனமான வணிக முதலீடுகள், உலக இசை சுற்றுப்பயணங்கள் மற்றும் கலைப் பொருட்கள் சேகரிப்பு ஆகியவற்றின் மூலமும் பெருகியுள்ளது.

1969-ஆம் ஆண்டு அவர் தொடங்கிய MPL Communications நிறுவனம், அவரது பொருளாதார வெற்றிக்கு முக்கிய அடித்தளமாக அமைந்துள்ளது. இந்த நிறுவனம் அவரது பாடல்களின் பதிப்புரிமைகளை மட்டுமல்லாமல், ஆயிரக்கணக்கான பிற இசைப் படைப்புகளின் உரிமைகளையும் நிர்வகிக்கிறது.

குறிப்பாக ராக் அண்ட் ரோல் முன்னோடியான Buddy Holly-யின் பாடல்கள், பிரபல கிறிஸ்துமஸ் பாடல்கள் மற்றும் "Grease", "Annie" போன்ற இசை நாடகங்களின் உரிமைகளும் இதன் கீழ் உள்ளன.

மேலும், பீடில்ஸ் இசைக்குழுவின் Apple Corps நிறுவன வருமானத்திலிருந்து அவருக்கு கிடைக்கும் பங்கும் குறிப்பிடத்தக்கதாகும்.

நெதன்யாகு தினமும் டிரம்புக்கு அழைப்பு - ஈரான் மீதான தாக்குதல் விவகாரத்தில் புதிய தகவல்

இசை ஸ்ட்ரீமிங், வினைல் விற்பனை மற்றும் பொருட்கள் விற்பனை மூலம் ஆண்டுதோறும் கோடிக்கணக்கான டாலர்கள் வருவாய் கிடைக்கிறது.

எளிய பின்னணியில் லிவர்பூலில் வளர்ந்த பால் மெக்கார்ட்னி, தனது இசைத் திறமை மற்றும் நீண்டகால வணிகத் திட்டங்களின் மூலம் உலக இசைத்துறையின் மிகப்பெரிய செல்வந்தர்களில் ஒருவராக மாறியுள்ளார். இது இசை மட்டுமல்ல, அறிவார்ந்த முதலீடுகளும் வெற்றிக்கான முக்கிய காரணமாக இருக்க முடியும் என்பதை மீண்டும் நிரூபிக்கிறது.  

பிரித்தானிய விமான தளத்திலிருந்து வெளியேறிய அமெரிக்க இராணுவ விமானங்கள்