லங்காசிறி FM
ராகுல், ஹர்பிரீத் அபாரம்... பெங்களூரு அணியை வீழ்த்தி அபார வெற்றி பெற்றது பஞ்சாப்
கே.எல்.ராகுலின் அதிரடி ஆட்டத்தால் பெங்களூரு அணியை 34 ஓட்டங்கள் வித்தியாசத்தில் பஞ்சாப் கிங்ஸ் அணி வென்றது.
அகமதாபாத்தில் நடந்த 26-வது லீக் ஆட்டத்தில் விராட் கோஹ்லி தலைமையிலான ராயல் சேலஞ்சர்ஸ் பெங்களூரு, கேஎல் ராகுல் தலைமையிலான பஞ்சாப் கிங்ஸ் அணிகள் மோதின.
நாணய சுழற்சியில் வென்ற விராட் கோஹ்லி பந்துவீச்சை தெரிவு செய்தார். இதனையடுத்து களனிறங்கிய பஞ்சாப் அணியின் தொடக்க ஆட்டக்காரர் பிரப்சிம்ரன் சிங் 7 ஓட்டங்களில் வெளியேறினார்.
அடுத்து களமிறங்கிய கிறிஸ் கெய்ல் ராகுலுடன் ஜோடி சேர்ந்து சிறப்பாக ஆடினார். கெய்ல் 46 ஓட்டங்கள் எடுத்து வெளியேறினார். அடுத்து வந்த வீரர்கள் பூரன்(0), ஹூடா(5), ஷாருக்கான்(0), என அடுத்தடுத்து அதிர்ச்சியளித்தனர்.
இதனையடுத்து ராகுலுடன் ஹர்பிரீத் ஜோடி சேர்ந்து சிறப்பாக ஆடினர். இந்த ஜோடி கடைசி ஓவரில் 22 ஓட்டங்கள் குவித்தது. ராகுல் 51 பந்துகளில் 91 ஓட்டங்களும் ஹர்பிரீத் 17 பந்துகளில் 25 ஓட்டங்களும் எடுத்து கடைசி வரை ஆட்டம் இழக்காமல் இருந்தனர்.
இறுதியில், பஞ்சாப் அணி 20 ஓவர் முடிவில் 5 விக்கெட் இழப்பிற்கு 179 ஓட்டங்கள் எடுத்தது. பெங்களூரு தரப்பில் ஜேமிசன் 2, சாம்ஸ், சாஹல், அகமது தலா 1 விக்கெட்டும் வீழ்த்தினர்.
இதையடுத்து, 180 ஓட்டங்கள் எடுத்தால் வெற்றி என்ற இலக்குடன் பெங்களூரு அணி களமிறங்கியது. விராட் கோஹ்லி, தேவ்தத் படிக்கல் தொடக்க ஆட்டக்காரர்களாக இறங்கினர்.
பஞ்சாப் அணியினர் சிறப்பாக பந்து வீசியதால் குறிப்பிட்ட இடைவெளியில் பெங்களூரு விக்கெட்டுகள் வீழ்ந்தன. பெங்களூரு அணியில் விராட் கோஹ்லி(35), ரஜத் பட்டிதார்(31), ஹர்ஷல் படேல்(31) ஓட்டங்கள் எடுத்து அவுட்டாகினர்.
எஞ்சியவர்கள் யாரும் நிலைத்து நிற்கவில்லை. இறுதியில், பெங்களூரு அணி 20 ஓவர் முடிவில் 8 விக்கெட்டுக்கு 145 ஓட்டங்கள் மட்டுமே எடுத்தது.
இதன்மூலம் பஞ்சாப் அணி 34 ஓட்டங்கள் வித்தியாசத்தில் அபார வெற்றி பெற்றது. இது பஞ்சாப் அணி பெற்ற 3வது வெற்றி. பஞ்சாப் அணி சார்பில் ஹர்பிரீத் பிரார் 3 விக்கெட்டும், ரவி பிஷ்னோய் 2 விக்கெட்டும் வீழ்த்தினர்.
புலோலி கிழக்கு, Villeneuve-Saint-Georges, France
30 Sep, 2026
நெடுந்தீவு மேற்கு, Jaffna, பாண்டியன்குளம், பிரான்ஸ், France, நோர்வே, Norway, ஜேர்மனி, Germany
29 Sep, 2026
மானிப்பாய், Florida, United States, Southgate, United Kingdom
24 Sep, 2026
புங்குடுதீவு 10ம் வட்டாரம், Langenthal, Switzerland
12 Oct, 2020
புங்குடுதீவு 9ம் வட்டாரம், புங்குடுதீவு 12ம் வட்டாரம், கொழும்பு
29 Sep, 2026
புங்குடுதீவு 8ம் வட்டாரம், Büren an der Aare, Switzerland
29 Aug, 2026
நெடுந்தீவு கிழக்கு, கொழும்பு, பாண்டியன்குளம், Brampton, Canada
26 Sep, 2026
