லங்காசிறி FM
பிரித்தானியாவுக்குள் வரும் அகதிகளின் எண்ணிக்கையில் புதிய உச்சம்: அரசின் புதிய நடவடிக்கை என்ன?
பிரித்தானியாவிற்கு வருகை தரும் புலம்பெயர்ந்தோரின் எண்ணிக்கை புதிய உச்சத்தை தொட்டுள்ளது.
புலம்பெயர்ந்தோரின் எண்ணிக்கையில் புதிய உச்சம்
பிரித்தானியாவிற்குள் சட்டவிரோதமாக நுழையும் அகதிகளின் எண்ணிக்கை இந்த ஆண்டு 25,000-ஐ தாண்டியுள்ளது. இதுவரையிலான வரலாற்றில் இந்த எண்ணிக்கை இவ்வளவு விரைவில் எட்டப்பட்டது இதுவே முதல்முறையாகும்.
புதன்கிழமை மட்டும் 13 படகுகளில் 898 பேர் வந்தடைந்த நிலையில், ஜனவரி 1 முதல் மொத்தமாக வந்தவர்களின் எண்ணிக்கை 25,436 ஆக உயர்ந்துள்ளது.
கடந்த ஆண்டு, இந்த எண்ணிக்கை செப்டம்பர் 22-ஆம் திகதிக்கு பின்னரே 25,000-ஐ எட்டியது. கடந்த ஆண்டு இதே காலகட்டத்தில், 16,842 பேர் மட்டுமே வந்திருந்தனர்.
இந்த திடீர் அதிகரிப்பு, சட்டவிரோத குடியேற்றத்தை கட்டுப்படுத்த உறுதியளித்துள்ள இங்கிலாந்து அரசுக்கு பெரும் சவாலாக மாறியுள்ளது.
அரசின் நடவடிக்கை
சட்டவிரோத படகு வருகைகளைத் தடுக்கும் முயற்சியாக, இங்கிலாந்து அரசு சமீபத்தில் 25 நபர்கள் மீது தடைகளை விதித்துள்ளது.
இந்த தடைகள், ஆசியாவில் உள்ள படகு சப்ளையர், பால்கன் மற்றும் வட ஆப்பிரிக்காவில் உள்ள கும்பல் தலைவர்கள் ஆகியோரை குறிவைக்கின்றன.
இந்த கும்பல்கள் பயன்படுத்தும் ஹவாலா பணப் பரிவர்த்தனை முறையும் இந்த நடவடிக்கைகளின் இலக்காக இருந்தது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
Tellipallai, கொழும்பு, யாழ்ப்பாணம், வவுனியா, Ontario, Canada
04 Oct, 2026
புங்குடுதீவு 3ம் வட்டாரம், கொட்டாஞ்சேனை, Vaughan Ontario, Canada
03 Oct, 2026
புலோலி கிழக்கு, Villeneuve-Saint-Georges, France
30 Sep, 2026
