லங்காசிறி FM
இந்தியாவால் கொல்லப்பட்டதாக கூறப்படும் நபர் கனேடியரே அல்ல: கிழித்துத் தொங்கவிடும் எதிர்க்கட்சித் தலைவர்
கனேடியர் ஒருவர் கனடாவில் கொல்லப்பட்டதன் பின்னணியில் இந்தியா இருப்பதாக கனேடிய பிரதமர் வெளிப்படையாக குற்றம் சாட்டியதால் இருநாடுகளுக்கும் இடையிலான உறவு முற்றிலும் பாதிக்கப்பட்டது.
இன்னமும் இரு நாடுகளும் மாறி மாறி தூதரக அதிகாரிகளை வெளியேற்றிக்கொண்டுதான் இருக்கின்றன.
இந்நிலையில், கனடாவில் இந்தியாவால் கொல்லப்பட்டதாக கூறப்படும் நபர் கனேடியரே அல்ல என்று கூறி, கனேடிய பிரதமர் ஜஸ்டின் ட்ரூடோவை கிழித்துத் தொங்கவிட்டுளார் எதிர்க்கட்சித் தலைவரான Maxime Bernier என்பவர்.
இந்தியாவால் கொல்லப்பட்டதாக கூறப்படும் நபர் கனேடியரே அல்ல
If true, allegations made by the RCMP and the Liberal government that Indian diplomats participated in criminal activities on our territory are very serious and should be dealt with. So far however, we haven’t been given any proof. And Trudeau is clearly using this crisis to… pic.twitter.com/wM2dR8FMHl
— Maxime Bernier (@MaximeBernier) October 17, 2024
இந்திய தூதரக அதிகாரிகள் நம் நாட்டுக்குள் குற்றச் செயல்களில் ஈடுபட்டதாக கனேடிய பொலிஸ் மற்றும் லிபரல் அரசாங்கத்தால் கூறப்படும் குற்றச்சாட்டுகள் உண்மையாக இருந்தால், அவை மிகவும் தீவிரமானவை, அவை முறையாக எதிகொள்ளப்பட்டே ஆகவேண்டும்.
ஆனால், இதுவரை அந்தக் குற்றச்சாட்டுகள் தொடர்பில் எந்த ஆதாரமும் வழங்கப்படவில்லை.
மற்ற சர்ச்சைகளில் இருந்து கவனத்தை திசை திருப்புவதற்காக இந்த நெருக்கடியை கனேடிய பிரதமர் ஜஸ்டின் ட்ரூடோ பயன்படுத்திக்கொள்வது தெளிவாகத் தெரிகிறது.
இருப்பினும், ஒரு கட்டுக்கதை அகற்றப்பட வேண்டும், இந்த சர்ச்சையின் மைய நபரான, கடந்த ஆண்டு கொல்லப்பட்ட காலிஸ்தான் போராளி ஹர்தீப் சிங் நிஜ்ஜர், ஒரு கனேடியர் என்னும் கட்டுக்கதைதான் அது.
உண்மையில் அவர் 1997 ஆம் ஆண்டு தொடங்கி கனடாவில் தஞ்சம் கோருவதற்கு மோசடி ஆவணங்களைப் பயன்படுத்திய ஒரு வெளிநாட்டு பயங்கரவாதி ஆவார்.
அவரது கோரிக்கைகள் நிராகரிக்கப்பட்டன, என்றாலும், அவர் இந்த நாட்டில் தங்க அனுமதிக்கப்பட்டார், எப்படியோ 2007ஆம் ஆண்டு அவருக்கு குடியுரிமை வழங்கப்பட்டது.
நிஜ்ஜர் ஒரு கனேடியர் அல்ல. இந்த நிர்வாகத் தவறைச் சரிசெய்வதற்காக நாம் மரணத்திற்குப் பின் அவரது குடியுரிமையைப் பறிக்கலாம்.
இப்போது கனடாவில் இருக்கும் பல்லாயிரக்கணக்கான போலி புகலிடக் கோரிக்கையாளர்களைப் போல, அவரது முதல் போலி புகலிடக் கோரிக்கைக்குப் பிறகு அவர் நாடுகடத்தப்பட்டிருக்க வேண்டும்.
பல தசாப்தங்களாக கனடா இந்த வெளிநாட்டினரையும் அவர்களின் பழங்குடி மோதல்களையும் நம் நாட்டிற்குள் வேண்டுமென்றே வரவேற்றதால் இவை அனைத்தும் நடக்கின்றன.
இந்த மிகப்பெரிய தவறை நாம் உணர்ந்து, வளர்ந்து வரும் உலக வல்லரசு மற்றும் ஒரு முக்கியமான கூட்டாளியுமான இந்தியாவுடனான நமது உறவுகளை கெடுத்துக்கொள்வதற்கு பதிலாக, இந்த பிரச்சினையில் தீர்வு காணும் வகையில் இந்திய அரசாங்கத்துடன் இணைந்து பணியாற்ற வேண்டும் என்று கூறியுள்ளார் Maxime Bernier.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
சிங்கப்பூர், Singapore, அளவெட்டி, மல்லாகம், Newbury Park, United Kingdom, Wickford, United Kingdom
28 Nov, 2024
Seremban, Malaysia, மயிலிட்டி தெற்கு, Lewisham, United Kingdom
30 Nov, 2024
திருநெல்வேலி, யாழ்ப்பாணம், Kachcheri, நல்லூர், London, United Kingdom
03 Dec, 2009
தொண்டைமானாறு, காங்கேசன்துறை, London, United Kingdom
23 Nov, 2024
