ஒரே நாளில் ரூ 4729 கோடி உயர்ந்த YouTube ஆசிரியரின் மொத்த சொத்து மதிப்பு

இந்தியாவில் PhysicsWallah என்ற YouTube ஆசிரியரின் நிறுவனம் பங்குச்சந்தையில் வலுவான அறிமுகம் செய்துள்ளது.

அலக் பாண்டே

தேசியப் பங்குச்சந்தையில் PhysicsWallah நிறுவனத்தின் பங்குகள் நேற்று ரூ 162 என விற்பனை செய்யப்பட்ட நிலையில் தற்போது ரூ 129 என விற்பனையாகிறது.

PhysicsWallah நிறுவனத்தின் பங்குகள் ரூ 109 என்றே அறிமுகம் செய்யப்பட்டது. நவம்பர் 18 ஆம் திகதி PhysicsWallah நிறுவனம் பங்குச்சந்தையில் நுழைந்து, இதுபோன்ற கல்வி நிறுவனங்களுக்கு ஊக்கமளித்துள்ளது.

பங்குச்சந்தையில் PhysicsWallah பங்குகள் பெரும் ஆதரவைப் பெற்ற நிலையில், அதன் நிறுவனரான அலக் பாண்டேவின் சொத்து மதிப்பில் ஒரே நாளில் ரூ.4729 கோடி அதிகரித்துள்ளது.

நீல நிறமாக மாறிய நதி நீர்... அரிய மண் தாதுக்கள் பணிகளை நிறுத்திய நாடு

விற்பனைக்கான சலுகையாக அலக் பாண்டே ரூ.1.74 கோடி பங்குகளை விற்றுள்ளார், இதனால் அவரது பங்குகள் ரூ.103.37 கோடியாகக் குறைந்தன.

இருப்பினும், சிறப்பான பங்குச்சந்தை அறிமுகம் அவரது மீதமுள்ள பங்குகளின் மதிப்பை ரூ.16,044 கோடியாக உயர்த்தியது, இதனால் ஒரே நாளில் அவரது சொத்து மதிப்பில் ரூ.4,729 கோடி அதிகரித்தது.

ஹுருன் இந்தியா கோடீஸ்வர்ரர்கள் பட்டியல் 2025 இல் அவரது சொத்து மதிப்பு ரூ.14,510 கோடி என அறிவிக்கப்பட்டிருந்தது. தற்போது பங்குச்சந்தையில் நுழைந்தது காரணமாக ஒரே நாளில் ரூ 4729 கோடி சம்பாதித்துள்ளார்.

எளிய பின்னணி

பங்குச்சந்தையில் நுழைவதற்கு முன்னர் PhysicsWallah நிறுவனத்தின் சந்தை மதிப்பு ரூ 32,028.56 கோடி என இருந்தது, தற்போது ரூ 44,382.43 கோடி என அதிகரித்துள்ளது.

PhysicsWallah-வின் நிறுவனர் அலக் பாண்டே, ஒரு எளிய பின்னணியில் இருந்து பல பில்லியன் டொலர் மதிப்புள்ள கல்வி தொழில்நுட்ப சாம்ராஜ்யத்தை கட்டியெழுப்பிய சுயமாக உருவான கோடீஸ்வரர் ஆவார்.

பாடசாலை ஆசிரியரான அலக் பாண்டே கடந்த 2016ல் YouTube பக்கம் ஒன்றை திறந்து, அதனூடாக பிரபலமடைந்தார். 2022ல் PhysicsWallah நிறுவனம் unicorn என மாறியது. 2025ல் பங்குச்சந்தையில் நுழைந்தது.

தற்போது அதன் சந்தை மதிப்பு 5 பில்லியன் அமெரிக்க டொலருக்கும் அதிகம். மிக சமீபத்தில் தான் பாலிவுட் நட்சத்திரம் ஷாருக் கானின் சொத்து மதிப்பை அலக் பாண்டே விஞ்சினார் என்பது குறிப்பிடத்தக்கது.