மாதம்தோறும் ரூ.5000 பெறலாம்.., இந்திய அரசின் இளைஞர்களுக்கான திட்டம் பற்றி தெரியுமா?

இளைஞருக்கு மாதம் ரூ.5000 கிடைக்கும் இந்திய அரசு கொண்டு வந்த புதிய திட்டத்தை பற்றி இந்த பதிவில் பார்க்கலாம்.

PM Internship Scheme (PM இன்டர்ன்ஷிப் திட்டம்)

நிதியமைச்சர் நிர்மலா சீதாராமன் 2024-25 நிதியாண்டிற்கான PM இன்டர்ன்ஷிப் திட்டத்தை பொது பட்ஜெட்டில் அறிவித்தார். இதில் அடுத்த 5 ஆண்டுகளில் சுமார் 1 கோடி இளைஞர்கள் பயன் பெறுவார்கள்.

முதல் கட்டமாக, முதல் 2 ஆண்டுகளில் 30 லட்சம் இளைஞர்களும், அடுத்த 3 ஆண்டுகளில் சுமார் 70 லட்சம் பேரும் இதில் இணைக்கப்படுவார்கள்.

இந்த திட்டத்தின் கீழ் ஒவ்வொரு பயிற்சியாளருக்கும் மாதாந்திர உதவித்தொகையாக ரூ.5000 வழங்கப்படும். இது தவிர, 1 வருடத்திற்கு பிறகு தனித்தனியாக ரூ.6000 அரசால் வழங்கப்படும்.

இந்த மாதாந்திர உதவித்தொகையான ரூ.5000-ல் 10 சதவீதமான 500 ரூபாயானது நிறுவனங்கள் தங்கள் சிஎஸ்ஆர் நிதியில் இருந்தும், 4500 ரூபாயானது அரசால் வழங்கப்படும்.

இதற்கான அதிகாரப்பூர்வ இணையதளம் ( https://pminternship.mca.gov.in/login/) நேற்று முதல் அரசால் நேரலை செய்யப்பட்டது.

இந்தத் திட்டத்திற்கு ஒருவர் எப்போது, ​​எங்கு, எப்படி விண்ணப்பிக்கலாம் என்பதை கீழே பார்க்கலாம்.

இந்தியாவின் சுமார் 500 முன்னணி நிறுவனங்களில் இன்டர்ன்ஷிப் செய்ய இளைஞர்களுக்கு வாய்ப்பு கிடைக்கும். இந்த நிறுவனங்கள் இத்திட்டத்தில் 10 சதவீத உதவியை வழங்கி இளைஞர்களுக்கு 1 வருட பணி அனுபவத்தை வழங்க உள்ளன.

யார் விண்ணப்பிக்கலாம்?

PM இன்டர்ன்ஷிப் திட்டத்திற்கு விண்ணப்பிப்பவர்கள், உயர்நிலைப் பள்ளி அல்லது மேல்நிலைச் சான்றிதழ், ITI டிப்ளமோ, BA, BSc, BCom, BCA, BBA போன்ற பட்டப்படிப்புகளுடன் 21 முதல் 24 வயதிற்குள் இருக்க வேண்டும்.

Post Office திட்டத்தில் தினமும் ரூ.333 முதலீடு செய்தால்.., 5 வருடங்களில் திரும்ப கிடைக்கும் தொகை எவ்வளவு?

அரசுப் பணியில் இருக்கும் குடும்ப உறுப்பினர் அல்லது குடும்ப ஆண்டு வருமானம் ரூ. 8 லட்சத்துக்கு மேல் உள்ளவர்கள், முழு நேர வேலையில் இருப்பவர்கள் இந்தத் திட்டத்திற்கு விண்ணப்பிக்க முடியாது.

விண்ணப்பிப்பது எப்படி?

PM இன்டர்ன்ஷிப் திட்டத்திற்கு விண்ணப்பிக்க, நீங்கள் முதலில் அதன் அதிகாரப்பூர்வ போர்ட்டலுக்குச் சென்று ஒரு படிவத்தை நிரப்ப வேண்டும்.

அங்கு உங்கள் திறமைகள் மற்றும் ஆர்வங்கள் பற்றிய தகவல்களை வழங்க வேண்டும். அதன் பிறகு, உங்கள் தகுதியின் அடிப்படையில் நீங்கள் எங்கு இன்டர்ன்ஷிப் செய்யலாம் என்பது முடிவு செய்யப்படும்.

ஆண்டுக்கு ரூ.1.5 லட்சம் முதலீடு செய்தால் ரூ.70 லட்சம் பெறலாம்.., இந்த திட்டம் பற்றி தெரியுமா?

இதற்கு, உங்களுடைய ஆதார் அட்டை, மின்னஞ்சல் ஐடி, மொபைல் எண், முகவரிச் சான்று, கல்வி விவரங்கள் மற்றும் பான் கார்டு உள்ளிட்ட சில முக்கிய ஆவணங்களைத் தயாராக வைத்திருக்க வேண்டும்.

PM இன்டர்ன்ஷிப் திட்டத்திற்கான பிரத்யேக இணையதளம் நேற்று (ஒக்டோபர் 3) முதல் செயல்படுகிறது. இருப்பினும், அதிகாரப்பூர்வ விண்ணப்பதாரர்கள் ஒக்டோபர் 12 முதல் இந்தத் திட்டத்தில் பதிவு செய்து கொள்ளலாம்.