நடிகர் சூர்யாவுக்கு ஆயுதம் ஏந்திய பொலிஸ் பாதுகாப்பு! எங்கு சென்றாலும் உடன் செல்லும் பொலிசார்.. காரணம் இதுதான்

police protection actor Suriya

By Raju Nov 17, 2021 05:40 AM GMT

Raju

in பொழுதுபோக்கு

Report

ஜெய் பீம் திரைப்பட சர்ச்சையை தொடர்ந்து நடிகர் சூர்யாவுக்கு ஆயுதம் ஏந்திய பொலிஸ் பாதுகாப்பு வழங்கப்பட்டுள்ளது.

த.செ.ஞானவேல் இயக்கத்தில் சூர்யா, மணிகண்டன், லிஜோமோல் ஜோஸ், ரஜிஷா விஜயன், பிரகாஷ்ராஜ் உள்ளிட்ட பலர் நடிப்பில் உருவாகியுள்ள படம் 'ஜெய் பீம்'. அமேசான் ப்ரைம் ஓடிடி தளத்தில் இப்படம் வெளியாகியுள்ளது.

இப்படம் உண்மைச் சம்பவத்தை அடிப்படையாகக் கொண்டு எடுக்கப்பட்டது. படத்தை சூர்யா தயாரித்து, நடித்துள்ளார். இந்தப் படத்திற்கு பாமக தரப்பில் எதிர்ப்பு கிளம்பியது. இந்நிலையில் சென்னை தியாகராய நகரில் உள்ள ஆர்காடு சாலையில் அமைந்துள்ள நடிகர் சூர்யாவின் வீட்டிற்கு துப்பாக்கி ஏந்திய போலீஸ் பாதுகாப்பு வழங்கப்பட்டுள்ளது.

நடிகர் சூர்யாவுக்கு ஆயுதம் ஏந்திய பொலிஸ் பாதுகாப்பு! எங்கு சென்றாலும் உடன் செல்லும் பொலிசார்.. காரணம் இதுதான் | Police Protection For Actor Suriya Jaibheem Issue

நடிகர் சூர்யா தயாரிப்பில் பாதுகாப்பு ஏதும் கோரப்படாத நிலையில் உளவுத்துறை அறிக்கையின்படி இந்த பாதுகாப்பு வழங்கப்பட்டுள்ளதாகத் தெரிகிறது. அதன்படி, நடிகர் சூர்யாவின் சென்னை தியாகராய நகரில் உள்ள வீட்டில் ஆயுதப் படையைச் சேர்ந்த 5 காவலர்கள் சுழற்சி முறையில் பாதுகாப்புப் பணியில் ஈடுபடுவார்கள் என காவல்துறை தரப்பில் தெரிவிக்கப்பட்டுள்ளது.

இதோடு தற்போது நடிகர் சூர்யாவுக்கு ஆயுதம் ஏந்திய பொலிசார் பாதுகாப்பு கொடுத்துள்ளனர். இதோடு சூர்யா எங்கு சென்றாலும் துப்பாக்கி ஏந்திய 2 பொலிசார் அவருடனே சென்று பாதுகாப்பு பணியில் ஈடுபடுவார்கள் என தெரிவிக்கப்பட்டுள்ளது.

மேலும் பொழுதுபோக்கு செய்திகளைப் படிக்க இங்கே அழுத்தவும்

முக்கிய செய்திகள் பிரபலமானவை

இன்றைய செய்திகள்