இளவரசி கேட் வெளியிட்ட ஒற்றைப் புகைப்படம்... அதன் பின்னணி அறிந்து பெரும் மகிழ்ச்சியில் பிரித்தானியா
குட்டி இளவரசர் லூயிஸ் பிறந்தநாளை முன்னிட்டு, அவரது தாயார் வேல்ஸ் இளவரசி கேட் மிடில்டன் வெளியிட்ட ஒற்றைப் புகைப்படம் பிரித்தானிய மக்களுக்கு நிம்மதியை அளித்துள்ளதாக கூறப்படுகிறது.
ஒரு நேர்மறையான செய்தி
தொடர்புடைய புகைப்படம் பிரித்தானியப் பொதுமக்களுக்கு ஒரு நேர்மறையான செய்தியை அறிவிப்பதாகவே, அரச குடும்பத்து ஆதரவாலர்கள் தெரிவிக்கின்றனர்.
வேல்ஸ் இளவரசர் மற்றும் இளவரசியின் இளைய குழந்தை லூயிஸ் ஆறாவது பிறந்தநாளை கொண்டாடுகிறார். இந்த நிலையிலேயே, குட்டி இளவரசரின் புதிய படம் ஒன்றை கேட் மிடில்டன் இணையத்தில் வெளியிட்டுள்ளார்.
எந்த விவாதத்திலும் சிக்காமல் இருக்க, தொடர்புடைய புகைப்படமானது திருத்தப்படவில்லை என்றே நிபுணர்கள் தரப்பில் தெரிவிக்கப்பட்டுள்ளது. மேலும், கடந்த சில தினங்களுக்கு முன்னால் அந்த புகைப்படம் கேட் மிடில்டனால் பதிவு செய்யப்பட்டிருக்கலாம் என்றும் நம்பப்படுகிறது.
இதனிடையே, பிரித்தானிய அரச குடும்பம் தொடர்பில் ஆய்வுகள் மேற்கொண்டுவரும் Richard Fitzwilliams என்பவர் தெரிவிக்கையில், குட்டி இளவரசரின் புகைப்படம் உண்மையில் பிரித்தானிய மக்களுக்கு நிம்மதியை அளிக்கும் என்பதில் மாற்றுக்கருத்தில்லை என்றார்.
அந்த மரபை தொடர்ந்தாலே
மேலும் புற்றுநோய் சிகிச்சையில் இருக்கும் கேட் மிடில்டனுக்கு அரச குடும்பத்து உறுப்பினர்கள் அளித்துவரும் ஆதரவும், தொடர்புடைய புகைப்படத்தில் காணப்படுவதாக அவர் குறிப்பிட்டுள்ளார்.
வேல்ஸ் இளவரசரின் பிள்ளைகளின் புகைப்படங்களை அவர்களின் பிறந்தநாளில் வெளியிடும் மரபு தொடர்வது மிகுந்த ஊக்கத்தை அளிப்பதாக குறிப்பிட்டுள்ள அவர், இந்த இக்கட்டான தருணத்தில் அந்த மரபு தொடர்வது என்பது மிகவும் முக்கியத்துவம் வாய்ந்தது என்றார்.
மேலும், கேட் மிடில்டன் தமது புற்றுநோய் பாதிப்பு தொடர்பில் அறிவித்திருந்தபோதிலும், இந்த வாரம் வேல்ஸ் தம்பதி அவர்களின் திருமண ஆண்டு விழாவில் ஒரு புகைப்படத்தை வெளியிடுவார்கள் என்றே தாம் நம்புவதாக Richard Fitzwilliams குறிப்பிட்டுள்ளார்.
புதிய ஒன்று அல்லது அவர்கள் ஏற்கனவே பதிவு செய்துள்ள ஒன்று, அது குறித்து கவலை இல்லை. ஆனால் புகைப்படம் வெளியிடும் அந்த மரபை தொடர்ந்தாலே, அரச குடும்பத்து ஆதரவாளர்கள் மகிழ்ச்சியடைவார்கள் என்றும் அவர் குறிப்பிட்டுள்ளார்.
உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |