Post Office FD Extension: ரூ.6 லட்சம் முதலீடு செய்தால் எத்தனை ஆண்டுகளில் ரூ.18.29 லட்சமாக மாறும்?

Post Office FD-ல் ரூ.6 லட்சம் முதலீடு செய்தால் எத்தனை ஆண்டுகளில் ரூ.18.29 லட்சமாக மாறும் என்ற தகவலை பார்க்கலாம்.

இந்தியாவில் பிரபலமான முதலீட்டுத் திட்டங்களில் அஞ்சல் அலுவலகம் சேமிப்புத் திட்டமும் ஒன்றாகும். தற்போது புது நிதியாண்டு தொடங்கிய நிலையில் வரிகளைச் சேமிக்கவும், சிறந்த வருமானத்தைப் பெறவும் நிலையான வைப்புத் திட்டங்களில் முதலீடு செய்யலாம்.

9.5 சதவிகிதம் வட்டி வழங்கும் புதிய SuperFD திட்டம் துவக்கம்.., முழு விவரங்கள் உள்ளே

அந்தவகையில், 1 வருடம், 2 வருடம், 3 வருடம் மற்றும் 5 வருடம் கொண்ட அஞ்சலக நிலையான வைப்புத் திட்டங்கள் உள்ளது. அரசு உத்தரவின் படி உத்தரவாதமான வருமானத்தை வழங்குகிறது.

Post Office Fixed Deposit Interest Rates ஆனது 1 வருடத்திற்கு 6.90%, 2 வருடத்திற்கு 7.00%, 3 வருடத்திற்கு 7.10% எனவும், 5 வருடத்திற்கு 7.50% எனவும் உள்ளது.

5 ஆண்டு FD-யில் ஒரு நிதியாண்டில் ரூ.1.50 லட்சம் வரையிலான டெபாசிட்டுகளுக்கு வருமான வரிச் சட்டம், 1961 இன் பிரிவு 80C இன் கீழ் வரிச் சலுகைகளை வழங்குகிறது.

டெபாசிட் செய்யப்பட்ட நாளிலிருந்து ஆறு மாதங்கள் காலாவதியாகும் முன் எந்த டெபாசிட்டும் திரும்பப் பெறப்படாது.

ஒரு FD கணக்கு 6 மாதங்களுக்குப் பிறகு, அதாவது 1 வருடத்திற்கு முன்பு மூடப்பட்டால், அஞ்சல் அலுவலக சேமிப்புக் கணக்கு வட்டி விகிதம் (Savings Account Interest rate) பொருந்தும்.

கணக்கைத் திறக்கும் நேரத்தில், முதிர்வு தேதியிலிருந்து FD கணக்கை நீட்டிப்பதற்கான கோரிக்கையை வாடிக்கையாளர் சமர்ப்பிக்கலாம். முதிர்வு நாளில் தொடர்புடைய FD கணக்கிற்குப் பொருந்தக்கூடிய வட்டி விகிதம், நீட்டிக்கப்பட்ட காலத்திற்குப் பொருந்தும்.

ரூ.6 லட்சம் முதலீடு

Post Office -ல் 5 வருட FD மூலம் ரூ.6 லட்சம் முதலீடு செய்தால் வட்டியாக ரூ.2,69,969 கிடைக்கும். இதனால், முதிர்வுத் தொகை ரூ.8,69,969 ஆக இருக்கும்.

இப்போது நாம் மேலும் 5 ஆண்டுகள் நீட்டித்தால் 10 ஆண்டுகளில், 6 லட்சத்திற்கு வட்டி மூலம் ரூ. 6,61,410 கிடைக்கும். இதனால், முதிர்வுத் தொகை ரூ.12,61,410 ஆக இருக்கும்.

இன்னும் 5 ஆண்டுகள் நீட்டித்தால் 15 ஆண்டுகளில், 6 லட்சத்திற்கு வட்டி மூலம் ரூ. 12,28,978 கிடைக்கும். இதனால், முதிர்வுத் தொகை ரூ.18,28,978 ஆக இருக்கும்.