லங்காசிறி FM
கர்ப்பிணியின் மசக்கை கசப்பை போக்கும் நெல்லி இனிப்பு ஊறுகாய்! எப்படி தயாரிப்பது?
கர்ப்பக்காலத்தில் பெண்களுக்கு மசக்கை ஏற்படுவது சகஜம் தான். இதனை எதிர்கொள்ள ஆரோக்கியமான உணவுகளை எடுப்பது நல்லது. அதிலும் வைட்டமின் சி நிறைந்த நெல்லிக்காய் போன்றவை உடலுக்கு நல்ல பலத்தை கொடுக்கும்.
அந்தவகையில் கர்ப்பிணியின் மசக்கை கசப்பை போக்கும் நெல்லியை கொண்டு இனிப்பு ஊறுகாய் எப்படி தயாரிக்கலாம் ? அதன் நன்மைகள் என்ன என்பதை பார்ப்போம்.
தேவை
- நெல்லிக்காய் - 1 கிலோ
- நாட்டுச்சர்க்கரை - 2 கிலோ அல்லது அரைக்கிலோ குறைத்தும் பயன்படுத்தலாம்.
- தண்ணீர் - 5 கப்
- சுண்ணாம்பு நீர் - 2 டீஸ்பூன்
- ஏலக்காய் தூள் - 1 டீஸ்பூன்
- எலுமிச்சை சாறு - 1 டீஸ்பூன்
செய்முறை
நெல்லிக்காயை நன்றாக கழுவி அதை ஃபோர்க் கரண்டியால் ஆங்காங்கே குத்தி விடவும். இதை ஒரு பாத்திரத்தில் நீர் எடுத்து நெல்லிக்காய் மூழ்கும் அளவு இருக்கட்டும். இந்த நீரில் நெல்லிக்காய் சேர்த்து விடுங்கள்.
பிறகு ஒரு நாள் இரவு முழுவதும் ஊறட்டும். காலையில் நெல்லிக்காயை எடுத்து சுண்ணாம்பு நீர் எச்சங்கள் போக நன்றாக கழுவி எடுக்கவும்
பாத்திரத்தில் நீர் விட்டு கொதிக்க வைத்து அடுப்பை அணைத்து அதில் நெல்லிக்காயை போடவும். நெல்லிக்காய் மென்மையாக மாறும் வரை வைத்திருந்து தண்ணீரை வடிகட்டி கொள்ளவும்.
மற்றொரு பெரிய பாத்திரத்தில் ஆறு கப் தண்ணீர் விட்டு நாட்டுச்சர்க்கரை, எலுமிச்சை சாறு சேர்த்து சிரப் போல் ஆக்கவும். பாகு முதிரக்கூடாது. மெல்லிய நூல் போல் கம்பி பதத்துக்கு வரும் போதே அடுப்பை அணைத்து நன்றாக கலக்கி இறக்கி விடவும்.
இப்போது மென்மையாக இருக்கும் நெல்லியை இந்த பாகில் சேர்த்து கொதி விடவும். ஐந்து நிமிடங்களில் இறக்கி ஆறவைத்து கண்ணாடி பாட்டிலில் அல்லது பீங்கான ஜாடியில் சேர்த்து விடவும். அதற்கு முன்பு ஏலக்காய் தூள் சேர்த்து நன்றாக கலந்து விடவும்.
எப்படி சாப்பிடலாம்
கர்ப்பிணி முதல் மூன்று மாதங்களில் கர்ப்பகால மசக்கை எதிர்கொள்வார்கள்.
இந்த நேரத்தில் வாய்க்கு புளிப்பாக எதையாவது சாப்பிட்டால் குமட்டல் உணர்வு இருக்காது. காலை உணவுக்கு பிறகு வெதுவெதுப்பான நீர் ஒரு டம்ளர் குடித்து பிறகு ஒரு நெல்லியை கடித்து மென்று சாப்பிடவேண்டும்.
எலுமிச்சை, நெல்லி புளிப்பு வாய்க்கு நன்றாக இருக்கும். உடன் நாட்டுச்சர்க்கரை புளிப்பு கலந்த இனிப்பு சுவையை அளிக்கும். குமட்டல் வரும் நேரம் காலை அதிகம் என்பதால் காலை உணவுக்கு பிறகு ஒரு நெல்லிக்காய் மட்டும் சாப்பிடலாம்.
தொடர்ந்து கர்ப்பகாலம் முடிவடையும் வரை அதிகமாக இல்லாமல் ஒரு நெல்லிக்காய் அளவு மட்டும் சாப்பிட்டு வரலாம். அதிகமான குமட்டலை எதிர்கொள்பவர்கள் தினசரி இரண்டு வீதம் சாப்பிடலாம்.
நன்மைகள்
- ஆரோக்கியத்தை மேம்படுத்துகிறது.வைட்டமின் சி நிறைந்தவை என்பதால் இது கர்ப்பிணிக்கு உடலில் நோய் எதிர்ப்பு சக்தியை அதிகரிக்க செய்கிறது. இதனால் தாய் மற்றும் கரு இருவருக்கும் போதுமான வலிமை கிடைக்கிறது.
-
கர்ப்பகாலத்தில் செரிமானப்பிரச்சனை ஏற்படும். நெல்லிக்காய் இனிப்பு ஊறுகாய் சாப்பிடுவதன் மூலம் உமிழ்நீர் உற்பத்தி அதிகமாகி அவை செரிமானத்தை தூண்டுகிறது. இதை கர்ப்பிணிகள் மட்டுமல்ல எல்லோருமே சாப்பிடலாம்.
தொண்டைமானாறு, காங்கேசன்துறை, London, United Kingdom
23 Nov, 2024
தெல்லிப்பழை, கொல்லன்கலட்டி, Stryn, Norway, Tromso, Norway
10 Dec, 2020
அனலைதீவு 2ம் வட்டாரம், யாழ்ப்பாணம், Kamen, Germany, Stouffville, Canada
24 Nov, 2024
புங்குடுதீவு 4ம் வட்டாரம், புங்குடுதீவு 8ம் வட்டாரம், Zürich, Switzerland
20 Nov, 2024
கல்வியங்காடு, Wembley, United Kingdom, King's Lynn, United Kingdom
22 Nov, 2024
வேலணை மேற்கு 8ம் வட்டாரம், Jaffna, London, United Kingdom
23 Nov, 2024
கோண்டாவில் மேற்கு, மானிப்பாய், சவுதி அரேபியா, Saudi Arabia, Baden, Switzerland
26 Nov, 2021
சங்கானை, யாழ்ப்பாணம், புங்குடுதீவு 6ம் வட்டாரம், Scarborough, Canada
20 Nov, 2024
