லங்காசிறி FM
ரூ.52,878 கோடி முதலீடு - இந்தியாவின் IDBI வங்கியை வாங்க இந்திய வம்சாவளி கனேடியர் முயற்சி
Prem Watsa’s Fairfax Makes 5.6 Bn dollar IDBI Bank Bet: ரூ.52,878 கோடி முதலீட்டில் இந்தியாவின் IDBI வங்கியை வாங்க இந்தியாவில் பிறந்த கனேடியர் முயற்சித்து வருகிறார்.
இந்திய வம்சாவளியைச் சேர்ந்த கனேடிய பில்லியனர்
இந்திய வம்சாவளியைச் சேர்ந்த கனேடிய பில்லியனரான ப்ரேம் வாட்சா தலைமையிலான Fairfax Financial Holdings நிறுவனம், இந்தியாவின் IDBI Bank வங்கியில் கட்டுப்பாட்டு பங்குகளை வாங்குவதற்காக ரூ.52,878 கோடி (5.6 பில்லியன் அமெரிக்க டொலர்) முதலீடு செய்ய முன்வந்துள்ளது.
இது Fairfax நிறுவனத்தின் வரலாற்றிலேயே மிகப்பெரிய முதலீடாகக் கருதப்படுகிறது.
இந்த ஒப்பந்தத்தின் கீழ், IDBI வங்கியின் 60.72 சதவீத பங்குகளை Fairfax நிறுவனம் ஒரு பங்கிற்கு ரூ.81 என்ற விலையில் வாங்க உள்ளது.
தற்போதைய நிலையில், இந்த பங்குகளை இந்திய அரசு மற்றும் இந்திய ஆயுள் காப்புறுதி கழகமான LIC விற்பனை செய்து வருகின்றன. கடந்த அக்டோபர் 14 அன்று Fairfax வெற்றிகரமான ஏலதாரராக தேர்வு செய்யப்பட்டதுடன், மத்திய அரசும் விற்பனைக்கு ஒப்புதல் அளித்துள்ளது.
IDBI வங்கியை எதிர்காலத்தில் இந்தியாவின் சிறந்த அனைத்துத் துறை வங்கியாகவும், உலகளாவிய அளவில் செயல்படும் நிதி நிறுவனமாகவும் மாற்றும் நோக்கம் இருப்பதாக Fairfax தெரிவித்துள்ளது. இது ஒரு சாதாரண முதலீடு அல்ல என்றும், வாழ்நாளில் ஒருமுறை மட்டுமே கிடைக்கும் வாய்ப்பு என்றும் ப்ரேம் வாட்சா குறிப்பிட்டுள்ளார்.
இந்த பங்குகளை வாங்குவதற்கான நிதியை Fairfax தனது கையிருப்பு பணம், கடன் வசதிகள் மற்றும் சில சொத்துக்களின் விற்பனை மூலம் திரட்டத் திட்டமிட்டுள்ளது. மேலும், Go Digit General Insurance, Go Digit Life Insurance மற்றும் IIFL Capital Services நிறுவனங்களில் உள்ள பங்குகளும் இந்த திட்டத்தில் பயன்படுத்தப்படலாம் என கூறப்பட்டுள்ளது.
IDBI வங்கியின் தற்போதைய நிர்வாக இயக்குநரும் தலைமை செயல் அதிகாரியுமான ராகேஷ் சர்மா தனது பதவியில் தொடரவுள்ளார். அதேபோல், N.S. கண்ணன் வங்கியின் தலைவராக நியமிக்கப்பட உள்ளதாக Fairfax தெரிவித்துள்ளது. இருப்பினும், இதற்கு இந்திய ரிசர்வ் வங்கியின் ஒப்புதல் அவசியமாகும்.
கனடாவின் வாரன் பஃபெட்
ஹைதராபாத்தில் பிறந்த ப்ரேம் வாட்சா, 1972-ல் கனடாவுக்கு குடிபெயர்ந்தார். பின்னர் Fairfax நிறுவனத்தை உலகளாவிய முதலீட்டு மற்றும் காப்புறுதி நிறுவனமாக வளர்த்த இவர், "கனடாவின் வாரன் பஃபெட்" என அழைக்கப்படுகிறார்.
இந்தியாவில் கடந்த பத்து ஆண்டுகளுக்கும் மேலாக தொடர்ந்து முதலீடு செய்து வரும் அவர், இந்த ஒப்பந்தத்தின் மூலம் இந்திய வங்கி துறையில் தனது மிகப்பெரிய அடையாளத்தை பதிக்கத் தயாராகியுள்ளார்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
புங்குடுதீவு 7ம் வட்டாரம், இராமநாதபுரம், Villetaneuse, France
27 Oct, 2025
யாழ்ப்பாணம், Cinnamon Gardens, Colombo, Wimbledon, United Kingdom
06 Nov, 2026
கோண்டாவில் மேற்கு, Greven, Germany, Münster, Germany, Nordwalde, Germany, High Wycombe, United Kingdom
29 Oct, 2026
இமையானன் கிழக்கு உடுப்பிட்டி, சுவிஸ், Switzerland, London East Ham, United Kingdom
14 Oct, 2026
