லங்காசிறி FM
"இலங்கைக்கு ஒரு புதிய சகாப்தத்தின் விடியல்" - ஜனாதிபதியின் அன்பு வாழ்த்து
இலங்கையில் 2025 ஆம் ஆண்டு ஆரம்பமாகியுள்ள நிலையில், ஜனாதிபதி அனுரகுமார திஸாநாயக்க நாட்டின் எதிர்காலம் குறித்த நம்பிக்கையை வெளிப்படுத்தியுள்ளார். இது ஒரு புதிய சகாப்தத்தின் விடியல் என்று தெரிவித்துள்ளார்.
2024 ஆம் ஆண்டின் சாதனைகளை நினைவு கூர்ந்த ஜனாதிபதி, “2024 ஆம் ஆண்டு நடைபெற்ற நாடாளுமன்றத் தேர்தல் வடக்கு, கிழக்கு, மேற்கு மற்றும் தெற்கில் உள்ள மக்களின் நம்பிக்கையைப் பெற்று, பலமான பெரும்பான்மையுடன் ஒரு அரசாங்கத்தை நிறுவ எங்களுக்கு உதவியது.
இந்த ஆணையின் மூலம், நமது குடிமக்கள் விரும்பும் நல்லாட்சியைக் கட்டியெழுப்புவதற்கு எங்களின் ஜனநாயகப் பொறுப்புகளை நிறைவேற்றும் வகையில், மாற்றத்தக்க அரசியல் மாற்றத்தை நாங்கள் ஆரம்பித்துள்ளோம்.
2025 ஆம் ஆண்டிற்கான முக்கிய அபிவிருத்தி முன்னுரிமைகளை எடுத்துரைத்த ஜனாதிபதி திஸாநாயக்க, கிராமிய வறுமையை ஒழித்தல், “தூய்மையான இலங்கை” முயற்சியை நடைமுறைப்படுத்துதல் மற்றும் டிஜிட்டல் பொருளாதாரத்தை கட்டியெழுப்புதல் ஆகியவற்றின் முக்கியத்துவத்தை வலியுறுத்தினார்.
ஜனாதிபதியின் புத்தாண்டு செய்தி:
“இலங்கையர்களாகிய நாம் 2025 ஆம் ஆண்டிற்குள் ஒரு புதிய சகாப்தத்தின் விடியலுடன் அடியெடுத்து வைக்கின்றோம், இது எமது தேசமும் அதன் மக்களும் நீண்டகாலமாக பேணி வந்த செழுமைக்கான கனவுகள் நனவாகத் தொடங்கும் காலகட்டமாகும்.
சுதந்திரத்திற்குப் பின்னர் இலங்கையின் வரலாற்றில் முதல் தடவையாக, மக்களை மையப்படுத்திய ஆட்சியின் மூலம் ஒன்றிணைந்த மற்றும் அபிவிருத்தியடைந்த தேசம் என்ற கனவை நனவாக்கும் வாய்ப்பு தற்போது எமக்கு கிடைத்துள்ளது.
இந்த இணையற்ற பொறுப்பு நம் அனைவரின் மீதும் உள்ளது, மேலும் அதன் முக்கியத்துவத்தை நாங்கள் முழுமையாக புரிந்துகொள்கிறோம். 2025 ஆம் ஆண்டில் தைரியத்துடனும், அசைக்க முடியாத அர்ப்பணிப்புடனும், கடந்த நூற்றாண்டில் தவறவிட்ட வெற்றிகளை மீட்டெடுக்கவும், இந்தக் கனவுகளை நனவாக்கவும் பாடுபடுவோம்.
அனைவருக்கும் செழிப்பு, ஒற்றுமை மற்றும் நம்பிக்கைகள் நிறைந்த புத்தாண்டு வாழ்த்துக்கள்” என தெரிவித்தள்ளார்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
புலோலி, யாழ்ப்பாணம், சென்னை, India, London, United Kingdom, San Diego, United States
23 Dec, 2024
புங்குடுதீவு 10ம் வட்டாரம், யாழ்ப்பாணம், கொழும்பு, கனடா, Canada
26 Dec, 2014
உரும்பிராய் வடக்கு, திருகோணமலை, கொழும்பு, Palermo, Italy, Ilford, United Kingdom
22 Dec, 2024
சரவணை மேற்கு, கரம்பொன் மேற்கு, ஊர்காவற்துறை, பேர்லின், Germany
05 Jan, 2022
நயினாதீவு 6ம் வட்டாரம், யாழ்ப்பாணம், Mississauga, Canada
31 Dec, 2022
