ஒபாமா அளித்த பிரம்மாண்ட விருந்தில் பங்கேற்காத இளவரசர் ஹரி: காரணம் என்ன?

முன்னாள் அமெரிக்க அதிபர் ஒபாமாவுக்கும் இளவரசர் ஹரிக்கும் இருந்த நீண்டகால நட்பு, பலரும் அறிந்த விடயம்தான். அதுவும் அமெரிக்கப் பெண்ணான மேகனை ஹரி மணம் முடித்து அமெரிக்கா சென்ற நிலையில், அவருக்கு ஒபாமா தம்பதியர் ஆலோசனைகள் கூறிவந்ததாகவும் சமீபத்தில் தகவல்கள் வெளியாகின.

இந்நிலையில், கடந்த சனிக்கிழமை, ஒபாமா தனது 60ஆவது பிறந்தநாளை பிரம்மாண்டமாக கொண்டாடினார். ஆனால், அந்த நிகழ்ச்சியில் ஒபாமாவின் நெருங்கிய நட்பு வட்டாரத்தைச் சேர்ந்த ஹரி மேகன் தம்பதியர் பங்கேற்கவில்லை.

வெளிப்படையாகவே ஹரி மேகன் தம்பதியர் புறக்கணிக்கப்பட்டுள்ள விடயம், அவர்களுக்கும் ஒபாமா தம்பதியருக்கும் இடையில் இருந்த ஸ்பெஷல் உறவு முடிவுக்கு வந்துவிட்டதையே காட்டுவதாக ராஜ குடும்ப நிபுணர் ஒருவர் தெரிவித்துள்ளார்.

உண்மையில், ஹரி மேகன் தம்பதியர் புறக்கணிக்கப்பட்டார்களா, அல்லது அவர்களால் அந்த நிகழ்ச்சியில் பங்கேற்க இயலவில்லையா என்பது தெரியவில்லை.

டெல்டா வகை கொரோனா பரவல் அச்சம் காரணமாக தனது பிறந்தநாள் விழாவுக்கு முதலில் 500 பேரை அழைப்பதாக இருந்த திட்டம் மாற்றப்பட்டு, விருந்தினர்கள் எண்ணிக்கை குறைக்கப்பட்டதாக ஒபாமா கூறியுள்ளார்.

ஆனால், அந்த நிகழ்ச்சியில் மேகனின் நண்பரான Gayle King, ஜார்ஜ் க்ளூனி மற்றும் பாடகி பியான்ஸ் ஆகியோர் உட்பட 300 முதல் 400 பேர் வரை கலந்துகொண்டதாக நிகழ்ச்சியுடன் சம்பந்தப்பட்ட ஒருவர் தெரிவித்துள்ளார்.

இன்னொரு பக்கம், ஹரியும் மேகனும் ஓபரா பேட்டியின்போது ராஜ குடும்பத்தினரை அவமதித்தது ஒபாமாவுக்கு பிடிக்கவில்லை என்று கூறும் ராஜ குடும்ப நிபுணரான Camilla Tominey என்பவர், ஒபாமா தம்பதியர் குடும்ப உறவுகளுக்கு முக்கியத்துவம் கொடுப்பவர்கள், அவர்கள், தங்கள் பிள்ளைகள் இதேபோல் தங்களைக் குறித்து ஊடகங்களில் பேட்டி கொடுப்பதை விரும்புபவர்கள் அல்ல என்கிறார்.

ஹரி மேகன் குடும்ப பிரச்சினை குறித்து ஒபாமாவின் மனைவி மிச்செல் அளித்த பேட்டி ஒன்று இந்த கருத்தைத்தான் பிரதிபலித்தது. குடும்பத்தை விட முக்கியமானது எதுவும் இல்லை என்று கூறிய மிச்செல் ஒபாமா, ஹரி மேகன் இப்போது எப்படிப்பட்ட சூழ்நிலையை எதிர்கொண்டிருக்கிறார்கள் என்பது எனக்குத் தெரியாது.

ஆனால், அவர்களுடைய குடும்பத்தில் ஏற்பட்டுள்ள பிரச்சினைகள் நீங்கி சுமூகமான சூழல் ஏற்படவேண்டும் என்று நான் கடவுளிடம் வேண்டிக்கொள்கிறேன் என்றும் கூறியிருந்தது குறிப்பிடத்தக்கது.