விவாகரத்து செய்தி ஒன்றைக் கேட்டு பயந்துபோயிருக்கும் இளவரசர் ஹரி மேகன் தம்பதி
பேய் படம் பார்த்து, இரவெல்லாம் அதையே நினைத்து பயந்து, தூங்காமல் கொட்டக்கொட்ட விழித்துக்கொண்டிருக்கும் மன நிலையில் இளவரசர் ஹரியும் மேகனும் இருப்பதாக தகவல் வெளியாகியுள்ளது.
மீண்டும் ஒரு அதிர்ச்சியை ஏற்படுத்தும் செய்தி
ஹரி, மேகன், இருவருமே விவாகரத்து என்னும் விடயத்தை வாழ்க்கையில் கடந்துவந்தவர்கள்தான். மேகன் ஏற்கனவே திருமணமாகி விவாகரத்தானவர் என்பது பலரும் அறிந்ததே.
ஹரிக்கோ, தன் தந்தை சார்லஸ், தாய் டயானாவின் விவாகரத்து இப்போதும் மனதை பாதிக்கும் ஒரு விடயமாக உள்ளது. ஹரிக்கு 8 வயது இருக்கும்போது, அவரது பெற்றோர் விவாகரத்து செய்ய, மேகனுடைய பெற்றோர் விவாகரத்து செய்யும்போதோ, அவருக்கு வயது வெறும் ஆறுதான்!
இந்நிலையில், ஹரியின் தாய் டயானாவின் தம்பியான சார்லஸ் ஸ்பென்சர், தன் 13 ஆண்டுகால மனைவியாகிய கேரன் கோர்டனை விவாகரத்து செய்ய இருப்பதாக அறிவித்துள்ளார். சமீபத்தில் ஹரி இன்விக்டஸ் நிகழ்ச்சிகளுக்காக லண்டன் வந்தபோது, அவரது தந்தையோ, அண்ணனோ அந்த நிகழ்ச்சியில் கலந்துகொள்ளவில்லை, ஹரியுடன் தோளோடு தோளாக நின்றது அவரது தாயின் சகோதர சகோதரிகள்தான் என்பது அனைவரும் அறிந்ததே.
அதைவிட கூடுதல் அதிர்ச்சி என்னவென்றால், சார்லஸ் டயானாவுக்கு விவாகரத்து பெற்றுத்தந்தவரும், டயானா, வேல்ஸ் இளவரசி என்னும் பட்டத்தைப் இழக்க காரணமாக இருந்தவருமான Baroness Shackleton என்னும் சட்டத்தரணிதான், டயானாவின் தம்பிக்கும் விவாகரத்து சட்டத்தரணியாக செயல்பட இருக்கிறார்.
ஆக, ஹரி, மேகன் இருவருக்குமே இந்த செய்தி பழைய நினைவுகளை மீண்டும் கொண்டுவந்து அச்சத்தையும் அதிர்ச்சியையும் உருவாக்கியுள்ளது. என்றாலும், அந்த விடயங்களிலிருந்து பாடம் கற்றுக்கொண்டு தங்கள் பெற்றோர் செய்த தவறை தாங்களும் செய்துவிடக்கூடாது என்பதில் இருவரும் உறுதியாக இருக்கிறார்களாம்.
உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |