லங்காசிறி FM
பிரித்தானியாவுக்கு இளவரசர் ஹரியின் இறுதி பிரியாவிடை: கடைசியாக கலந்துகொள்ளும் நிகழ்ச்சி
பிரித்தானிய இளவரசர் ஹரி, ராஜ குடும்பத்தைவிட்டு வெளியேறியதுடன், பிரித்தானியாவை விட்டும் வெளியேற, அவர் மீண்டும் ராஜ குடும்பத்துடன் இணையமாட்டாரா என அவரது ரசிகர்களும், ராஜ குடும்ப நலம் விரும்பிகளும் ஆசைப்பட்டுக்கொண்டிருக்க, அவரோ, ராஜ குடும்ப வாழ்வைவிட்டு தூரமாகச் சென்றுகொண்டேயிருக்கிறார்.
அவ்வகையில், ராஜ குடும்ப வாழ்வுக்கு அவர் இறுதி பிரியாவிடை கொடுக்க இருப்பதாக ஒரு செய்தி வெளியாகியுள்ளது.
அதிர்ச்சியை ஏற்படுத்திய தகவல்
பிரித்தானியாவைவிட்டு வெளியேறியதைத் தொடர்ந்து, மனைவி பிள்ளைகளுடன் அமெரிக்காவில் வாழ்ந்துவரும் இளவரசர் ஹரி, சமீபத்தில், அதிகாரப்பூர்வ ஆவணம் ஒன்றில், தனது முதன்மை வாழுமிடமாக அமெரிக்காவைக் குறிப்பிட்டுள்ள விடயம் வெளியாகி அதிர்ச்சியை ஏற்படுத்தியது. அது, அவர் தன்னை பிரித்தானியாவிடமிருந்து விலக்கிக்கொள்வதை உறுதி செய்யும் விதத்தில் அமைந்துள்ளது.
பிரித்தானியாவுக்கு இறுதி பிரியாவிடை
இந்நிலையில், அடுத்த மாதம், அதாவது, மே மாதம், பிரித்தானியாவில் நடைபெறும் இன்விக்டஸ் விளையாட்டுப்போட்டிகள் தொடர்பான நிகழ்ச்சி ஒன்றில் கலந்துகொள்ள இருக்கிறார் ஹரி.
இதற்கிடையில், அந்த விளையாட்டுப்போட்டிதான் இளவரசர் ஹரி பிரித்தானியாவில் பங்கேற்கும் கடைசி நிகழ்ச்சி என ஒரு தகவல் வெளியாகியுள்ளது. அதாவது, அந்த நிகழ்ச்சியுடன் அவர் பிரித்தானியாவுக்கும், ராஜ குடும்ப வாழ்வுக்கும் இறுதி பிரியாவிடை அளிக்க இருக்கிறாராம்.
இதுகுறித்து விளக்கமளித்துள்ள ராஜ குடும்ப நிபுணரான Tom Quinn, ஹரி, மே மாதம் 8ஆம் திகதி, போரில் காயமடைந்த மற்றும் உறுப்புகளை இழந்த ராணுவ வீரர்களுக்காக தான் துவங்கிய இன்விக்டஸ் விளையாட்டுப்போட்டிகளின் பத்தாம் ஆண்டு விழாவைக் குறிக்கும் வகையில், லண்டனிலுள்ள புனித பால் தேவாலயத்தில் உரையாற்ற இருக்கிறார்.
Image: PA
கடும் சர்ச்சையை உருவாகிய அமெரிக்க தொலைக்காட்சி பேட்டிக்குப் பின், ஹரி தனது ஸ்பேர் புத்தகத்தில் மீண்டும் ராஜ குடும்ப உறுப்பினர்களைக் குறித்து விமர்சித்த விடயங்கள் மன்னர் சார்லசை கோபப்படுத்த, ஹரி மேகன் தம்பதியர் பிரித்தானியா வந்தால் வழக்கமாக தங்கும் வீடான பிராக்மோர் மாளிகையை அவர்கள் காலிசெய்யவேண்டும் என மன்னர் சார்லஸ் உத்தரவிட்டார்.
அந்த விடயம் ஹரி, மேகன் தம்பதியரை பயங்கரமாக காயப்படுத்தியுள்ளது. தற்போது ஹரி தனது முதன்மை வாழுமிடம் அமெரிக்கா என அதிகாரப்பூர்வமாக அறிவித்துவிட்ட நிலையில், இனி அவர் நினைத்தாலும் ராஜ குடும்பத்துடன் இணைவது சாத்தியமில்லை.
ஆக, மே மாதம் 8ஆம் திகதி பிரித்தானியா வரும் ஹரி, பிரித்தானியாவுக்கு இறுதி பிரியாவிடை கொடுக்க இருப்பதாக தெரிவிக்கிறார் ராஜ குடும்ப நிபுணரான Tom Quinn.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
புங்குடுதீவு 10ம் வட்டாரம், Chur, Switzerland, Flums, Switzerland
16 May, 2026
புங்குடுதீவு 9ம் வட்டாரம், புங்குடுதீவு, கொழும்பு கொம்பனித்தெரு
17 May, 2026
சிறுப்பிட்டி மேற்கு, Wembley, United Kingdom, Milton Keynes, United Kingdom
21 May, 2022
