இளவரசர் வில்லியத்திற்கு அடுத்த நெருக்கடி... மன்னர் சார்லஸால் புதிய பட்டம் பறிக்கப்படுமா?

மன்னராக சார்லஸ் முடிசூடவிருக்கும் தருணத்தில் இந்த முடிவுக்கு வேல்ஸ் கவுன்சில் வந்துள்ளது.

இளவரசர் வில்லியத்திடம் இருந்து குறித்த பட்டம் பறிக்கப்படுமா என்ற கேள்வியும் எழுந்துள்ளது.

வேல்ஸ் இளவரசர் பட்டத்தை ரத்து செய்ய வேண்டும் என வேல்ஸ் கவுன்சில் ஒருமனதாக வாக்கெடுப்பை முன்னெடுத்துள்ளது பிரித்தானிய ராஜகுடும்பத்தில் சலசலப்பை ஏற்படுத்தும் என்றே கூறப்படுகிறது.

பிரித்தானிய ராஜகுடும்பமானது தொன்மையான அடக்குமுறை பாரம்பரியம் கொண்டது என வேல்ஸ் கவுன்சில் உறுப்பினர் ஒருவர் குற்றச்சாட்டை முன்வைத்த நிலையிலேயே தற்போது வாக்கெடுப்பு நடத்தப்பட்டுள்ளது.

ராணியார் இரண்டாம் எலிசபெத் காலமானதையடுத்து, மன்னராக சார்லஸ் முடிசூடவிருக்கும் தருணத்தில் இந்த முடிவுக்கு வேல்ஸ் கவுன்சில் வந்துள்ளது. ராணியார் மறைவுக்கு பின்னர் வேல்ஸ் இளவரசர் பட்டமானது இளவரசர் வில்லியத்திற்கு அளிக்கப்பட்டுள்ளது.

வேல்ஸ் கவுன்சில் முடிவால் இளவரசர் வில்லியத்திடம் இருந்து குறித்த பட்டம் பறிக்கப்படுமா என்ற கேள்வியும் தற்போது எழுந்துள்ளது. மட்டுமின்றி, 1969ல் சார்லஸ் வேல்ஸ் இளவரசர் பட்டம் பெறும்போதும் அங்குள்ள மக்களால் கடும் எதிர்ப்பு தெரிவிக்கப்பட்டதுடன், முக்கிய நபர்களால் ஆர்ப்பாட்டங்களும் முன்னெடுக்கப்பட்டது.

@PA

தற்போது அதே சூழல் உருவாகியுள்ளது. வேல்ஸ் மக்களிடம் ஆலோசனை பெற்று, குறித்த பட்டம் நீக்கப்பட வேண்டுமா என்பதில் இறுதி முடிவெடுக்க வேண்டும் என்ற கருத்தும் கூறப்படுகிறது.

வேல்ஸ் தற்போது நவீனமயமாக்கப்பட்ட ஜனநாயக நாடு, அங்குள்ள மக்களிடம் அவர்களின் கருத்துகளை பதிவு செய்வதே முறை எனவும் கூறுகின்றனர். மட்டுமின்றி, தங்கள் மன நிலையை தற்போதைய வேல்ஸ் இளவரசர் பட்டம் பெற்ற வில்லியம் புரிந்து கொள்வார் என நம்புவதாக கவுன்சில் உறுப்பினர்கள் தெரிவித்துள்ளனர்.

@getty

இதுவரை, 36,000 மக்கள் குறித்த பட்டத்தை ரத்து செய்ய வேண்டும் என்ற கோரிக்கையில் கையெழுத்து போட்டுள்ளனர். 1283ல் இங்கிலாந்து மன்னர் முதலாம் எட்வர்ட் கட்டளையிட்டமையால் உண்மையான வேல்ஸ் இளவரசர் Dafydd ap Gruffydd கொடூரமாக கொல்லப்பட்டார். அதன் பின்னர் குறித்த பட்டமானது எட்வர்ட் மன்னரின் 16 வயது மகனுக்கு சூட்டப்பட்டது என்பது குறிப்பிடத்தக்கது.