லங்காசிறி FM
இளவரசர் பிலிப் பிறந்த இடம் முதல் அவரது உடல் வைக்கப்படும் இடம் வரை: சில அரிய புகைப்படங்களும் தகவல்களும்
இன்று பிரித்தானிய மகாராணியாரின் கணவரான இளவரசர் பிலிப்பின் இறுதிச்சடங்கு நடைபெற உள்ள நிலையில், அவர் பிறந்த இடம் முதல், அவரது அடக்கம் செய்யப்படும் இடம் வரையிலான புகைப்படங்கள் வெளியாகியுள்ளன. கிரீஸ் தீவான Corfu தீவில் 1921ஆம் ஆண்டு, ஜூன் மாதம் 10ஆம் திகதி பிறந்தார் இளவரசர் பிலிப்.
அவரது தாயான இளவரசி ஆலிஸ் படுக்கையில் பிரசவிக்கக்கூடாது என்றும், மாறாக சமனான ஒரு மேசையில்தான் பிரசவிக்கவேண்டும் என்றும் மருத்துவர்கள் ஆலோசனை கூறியிருந்தார்கள்.
ஆகவே, தனது படுக்கையறையிலிருந்து தூக்கி வரப்பட்டு உணவருந்தும் மேசையில் படுக்கவைக்கப்பட்டார் ஆலிஸ். அந்த மேசையில்தான் இளவரசர் பிலிப் பிறந்தார். அந்த மேசை தற்போது லண்டனிலுள்ள நிறுவனம் ஒன்றில் உள்ளது. ஒரு சாதாரண மேசை, அதன் மீது ஒரு இளவரசர் பிறந்ததால் மதிப்பு மிக்கதாகிவிட்டது...
இன்று மாலை, உள்ளூர் நேரப்படி 3 மணியளவில் இளவரசர் பிலிப்பின் உடல் நல்லடக்கம் செய்யப்பட உள்ளது. அவரது உடல், விண்ட்சரிலுள்ள புனித ஜார்ஜ் சிற்றாலயத்தில் அடக்கம் செய்யப்பட உள்ளது.
அதிலும் ஒரு சுவையான தகவல் உள்ளது. புனித ஜார்ஜ் சிற்றாலயத்தின் கீழே, 16 அடி ஆழத்தில், மன்னர்கள் மற்றும் ராணிகளின் உடல்கள் அடங்கிய பெட்டிகளை வைக்கும் இடம் ஒன்று உள்ளது. அங்கு, இரும்புக் கதவுகளுக்குப் பின்னால் அவர்களது உடல்கள் அடங்கிய பெட்டிகள் வைக்கப்பட்டுள்ளன.
மன்னர் மூன்றாம் ஜார்ஜ், நான்காம் ஜார்ஜ், ஐந்தாம் ஜார்ஜ் மற்றும் நான்காம் வில்லியம் ஆகியோரின் உடல்கள் அங்குதான் வைக்கப்பட்டுள்ளன.
ஆனால், இளவரசர் பிலிப்பின் உடலைப் பொருத்தவரை, அது அங்கேயே நிரந்தரமாக வைக்கப்படப்போவதில்லை.
மகாராணியார் தனது வாழ்வை முடிக்கும் நேரம் வரும்போது, இளவரசர் பிலிப்பின் உடல் புனித ஜார்ஜ் சிற்றாலயத்திலிருந்து அகற்றப்பட்டு, மன்னர் ஆறாம் ஜார்ஜ் மற்றும் முதலாம் எலிசபெத் மகாராணியார் ஆகியோரின் உடல்கள் அடக்கம் செய்யப்பட்டுள்ள ஆறாவது ஜார்ஜ் நினைவு சிற்றாலயத்துக்கு கொண்டு வரப்பட்டு, அங்கு இளவரசர் பிலிப் மற்றும் மகாராணியாரின் உடல்கள் ஒரே இடத்தில் அடக்கம் செய்யப்படும்.
புங்குடுதீவு 8ம் வட்டாரம், புங்குடுதீவு 12ம் வட்டாரம், சுன்னாகம், பரிஸ், France
18 Jul, 2026
கல்வியங்காடு, கட்டப்பிராய், மதுரை, தமிழ்நாடு, India, Gants Hill, United Kingdom
07 Aug, 2026
புங்குடுதீவு 3ம் வட்டாரம், வட்டக்கச்சி இராமநாதபுரம், வைரவபுளியங்குளம்
18 Jul, 2026
சரவணை, கொய்யாத்தோட்டம், யாழ்ப்பாணம், Osterode am Harz, Germany
13 Aug, 2016
