லங்காசிறி FM
கணவருக்காக துக்கம் அனுஷ்டிக்கும் நேரத்திலும் மக்களுக்காக பிரித்தானிய மகாராணியார் வெளியிட்டுள்ள பிறந்தநாள் செய்தி
Balamanuvelan
in ஐக்கிய இராச்சியம்
இயற்கை எய்திய தன் கணவருக்காக துக்கம் கொண்டாடும் நேரத்திலும், மக்களுக்கு ஏமாற்றத்தை அளிக்க விரும்பாத பிரித்தானிய மகாராணியார், நாட்டு மக்களுக்காக பிறந்தநாள் செய்தி ஒன்றை வெளியிட்டுள்ளார்.
கணவர் இறந்தபின், முதன்முறையாக நாட்டு மக்களுக்கு செய்தி ஒன்றைத் தெரிவித்துள்ள மகாராணியார், மக்கள் காட்டிய ஆதரவும் பரிவும் தன் உள்ளத்தைத் தொட்டதாக தெரிவித்துள்ளார்.
அவர் வெளியிட்டுள்ள செய்தியில், ’எனது 95ஆவது பிறந்தநாளாகிய இன்றையத் தினம், நல்வாழ்த்துச் செய்திகள் பல கிடைக்கப்பெற்றேன், அதற்காக நான் மிகவும் நன்றியுடையவளாக இருக்கிறேன்.
எங்கள் குடும்பம் மிகப்பெரிய துக்கத்தில் ஆழ்ந்துள்ள நேரத்தில், எனது கணவருக்கு பிரித்தானியாவிலும், காமன்வெல்த் நாடுகளிலும், உலகம் முழுவதிலும் இருந்து வந்த இரங்கல் செய்திகளால் நாங்கள் மிகவும் ஆறுதல் அடைந்தோம்.
இந்த காலகட்டத்தில் எங்களுக்கு நீங்கள் காட்டிய ஆதரவுக்காகவும் இரக்கத்திற்காகவும் நானும் என் குடும்பத்தாரும் உங்கள் அனைவருக்கும் நன்றியைத் தெரிவித்துக்கொள்கிறோம்.
உங்கள் செய்திகள் மூலமாக, இளவரசர் பிலிப் தனது வாழ்நாளில் இத்தனை பேருடைய வாழ்வில் தாக்கத்தை ஏற்படுத்தியுள்ளார் என்பதை நினைவுபடுத்தியதால், நாங்கள் மிகவும் நெகிழ்ச்சியடைந்துள்ளோம்’ என்று குறிப்பிடப்பட்டுள்ளது.
அனலைதீவு 3ம் வட்டாரம், புங்குடுதீவு 5ம் வட்டாரம், Bünde, Germany, Selm, Germany
11 Jul, 2024
புதுக்குளம், Ilford, United Kingdom, பிரித்தானியா, United Kingdom
10 Jul, 2019
