லங்காசிறி FM
ஏதோ நடக்கிறது... இளவரசர் வில்லியம் எதையோ மறைக்கிறார்: இளவரசி கேட் தொடர்பில் பிரபல ஊடகவியலாளர் கருத்து
பிரித்தானிய ராஜ குடும்பத்தில் ஏதோ பயங்கரமான விடயம் நடப்பதாக கேள்விப்பட்டேன் என்று கூறியுள்ள பிரபல பிரித்தானிய ஊடகவியலாளர் ஒருவர், இளவரசி கேட் தொடர்பில் இளவரசர் வில்லியம் எதையோ மறைக்கிறார் என்று கூறியுள்ளார்.
பிரபல ஊடகவியலாளர் கருத்து
பிபிசி தொலைக்காட்சியில் முன்னர் பணியாற்றியவரான பயர்ஸ் மார்கன் (Piers Morgan), பிரித்தானிய ராஜ குடும்பத்தில் ஏதோ பயங்கரமான விடயம் நடப்பதாக கேள்விப்பட்டேன் என்று கூறியுள்ளார்.
Image: Talk TV
தன்னிடம், அரண்மனையில் நடக்கும் சில பயங்கர விடயங்கள் குறித்து தெரிவிக்கப்பட்டதாகக் கூறியுள்ள மார்கன், அவை உண்மையா இல்லையா என்பது தனக்குத் தெரியவில்லை என்றும் கூறியுள்ளார்.
இளவரசி கேட்டை கேலி செய்யும் அமெரிக்க ஊடகங்கள்
பிரித்தானிய இளவரசி கேட் வெளியிட்ட புகைப்படம் ஒன்று எடிட் செய்யப்பட்டது என்ற தகவல் வெளியானதிலிருந்து, அமெரிக்க ஊடகங்கள் இளவரசி கேட்டை மிக மோசமான வகையில் கேலி செய்துவருவது குறித்து பேசிய மார்கன், அமெரிக்க தொலைக்காட்சி நிகழ்ச்சியான The Late Show என்னும் நிகழ்ச்சியைத் தொகுத்து வழங்குபவரான Stephen Colbert என்பவர், இளவரசி கேட் குறித்து மோசமாக விமர்சித்ததையும், மற்றொரு தொலைக்காட்சி நிகழ்ச்சியான Watch What Happens Live என்னும் நிகழ்ச்சியில் பங்கேற்ற நகைச்சுவையாளரான John Oliver என்பவர், கேட் 18 மாதங்களுக்கு முன்பே மரணமடைந்திருக்க வாய்ப்புள்ளது என்று கூறியுள்ளதையும் சுட்டிக் காட்டி, ராஜ குடும்பம் வெளிநாடுகளில் அவமதிக்கப்படுவது குறித்து வருத்தம் தெரிவித்துள்ளார்.
Image: Getty Images
இளவரசர் வில்லியம் எதையோ மறைக்கிறார்
மேலும், எடிட் செய்யப்பட்ட இளவரசி கேட்டின் புகைப்படம் தொடர்பான விடயங்கள், உண்மையில் முக்கியமானவையாக இல்லாமல் கூட இருக்கலாம், அதாவது, இளவரசி கேட் நன்றாக இருக்கலாம், வெளியே பரவும் வதந்திகளுக்கு முற்றுப்புள்ளி வைப்பதற்காக அவர் அந்த புகைப்படத்தை வெளியிட்டிருக்கலாம். அல்லது, இளவரசர் வில்லியம், இளவரசி கேட் தொடர்பில் எதையோ மறைக்கிறாராக இருக்கலாம் என்றும் கூறியுள்ளார் மார்கன்.
விடயம் என்னவென்றால், இதுவரை மார்கன் ராஜ குடும்பத்தைக் குறித்து மோசமாக எதுவும் பேசியதில்லை. ஆனால், அவர் ஹரி மேகன் தம்பதியரை கடுமையாக விமர்சிப்பார். இம்முறை, வழக்கத்துக்கு மாறாக, முதன்முறையாக ஹரி மேகன் தம்பதியருக்கு ஆதரவாகவும், வில்லியம் கேட் தம்பதியருக்கு எதிராகவும் மார்கன் விமர்சனம் முன்வைத்துள்ளது கவனிக்கத்தக்க விடயமாகியுள்ளது. அதாவது, அவர் பிரித்தானிய பொதுமக்களுடைய கருத்துக்களை பிரதிபலிப்பதாக எடுத்துக்கொள்ளலாம் என கருதப்படுகிறது.
வீடியோவை காண
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP இல் இணையுங்கள். |
புங்குடுதீவு 3ம் வட்டாரம், கொட்டாஞ்சேனை, Vaughan Ontario, Canada
03 Oct, 2026
யாழ்ப்பாணம், நெடுந்தீவு, பண்டத்தரிப்பு, Goslar, Germany, Breda, Netherlands, Montreal, Canada
29 Sep, 2026
Tellipallai, கொழும்பு, யாழ்ப்பாணம், வவுனியா, Ontario, Canada
04 Oct, 2026
