இளவரசர் வில்லியம் கேட் திருமண உறவில் விரிசல்: அதிர்ச்சியை உருவாக்கியுள்ள தகவல்

பிரித்தானிய இளவரசரும் வருங்கால மன்னருமான வில்லியம் மற்றும் அவரது மனைவி கேட் இடையிலான உறவில் விரிசல் ஏற்பட்டுள்ளதாக வெளியாகியுள்ள தகவல் அதிர்ச்சியை உருவாக்கியுள்ளது.

இரண்டு வாரங்கள் பேசாமல் இருந்த தம்பதியர்

எங்கு சென்றாலும் இணைந்தே செல்லும் இளவரசர் வில்லியம் கேட் தம்பதியர், இரண்டு வாரங்களாக பேசிக்கொள்ளக்கூட இல்லை என்றும், அதனால், அரண்மனை அலுவலர்கள் கணவனும் மனைவியும் தனித்தனியாக பங்கேற்கும் வகையில் நிகழ்ச்சிகளை ஏற்பாடு செய்ததாகவும் தகவல் வெளியாகியுள்ளது.

என்ன காரணம்?

இளவரசர் வில்லியமுக்கும் அவரது மனைவி கேட்டுக்கும் இடையில் விரிசல் உண்டாக பல காரணங்கள் கூறப்படுகின்றன.

அதிகரிக்கும் பணிச்சுமை, குடும்ப பொறுப்புகள், இளவரசர் ஹரியின் ஸ்பேர் புத்தகத்தால் ஏற்பட்ட பிரச்சினைகள் என பல காரணங்கள் குறிப்பிடப்பட்டுள்ளன.

அதிகரித்து வரும் இளவரசி கேட்டின் புகழ்

இளவரசி கேட்டின் புகழ் அதிகரித்து வருவதால், தனக்கு முக்கியத்துவம் குறைவதாக இளவரசர் வில்லியம் எண்ணத் துவங்கியுள்ளார். இதே நிலை அவரது தந்தைக்கும் தாய்க்கும் கூட ஏற்பட்டது. தன்னை விட தன் மனைவி டயானா அதிக கவனம் ஈர்த்தது சார்லசுக்கு வருத்தத்தை அளித்தது.

எனவே, சில நிகழ்ச்சிகளில் பங்கேற்கும்போது, இளவரசி கேட்டின் சமையல் திறன் குறித்து மக்கள் கேள்வி எழுப்பியபோது, வில்லியம் அதை அலட்சியப்படுத்தியதாகவும், சில பொது நிகழ்ச்சிகளில் மனைவியை வில்லியம் கண்டுகொள்ளாமல் இருந்ததாகவும் தகவல்கள் வெளியாகியுள்ளன.

இளவரசர் ஹரியின் புத்தகத்தால் உருவான சிக்கல்

மேலும், இளவரசர் ஹரி தனது ஸ்பேர் புத்தகத்தில் ராஜ குடும்பத்தை மோசமாக விமர்சித்திருந்த நிலையில், அது இளவரசி கேட்டை மிகவும் வேதனைப்படுத்தியுள்ளது. ஆனால், இளவரசர் வில்லியம் மீண்டும் தன் தம்பியுடன் சமாதானம் ஆக விரும்புகிறார்.

அப்படி இளவரசர் ஹரியுடன் சமாதானம் ஆனால், பிரச்சினைகளுக்கு மூலக் காரணமான ஹரியின் மனைவி மேகனுடனும் சமாதானம் ஆக வேண்டியிருக்கும். ஆனால், எக்காரணம் கொண்டும் மேகனுடன் சமாதானம் ஆவது கேட்டுக்கு பிடிக்கவில்லை.

ஆக, ஹரியால் உருவான பிரச்சினை, பிள்ளைகளை வளர்ப்பதில் வித்தியாசமான கருத்துக்கள் என பல காரணங்களால், இளவரசர் வில்லியமுக்கும் அவரது மனைவி கேட்டுக்கும் கருத்துவேறுபாடுகள் ஏற்பட்டுள்ளன.

ஆகவே, அவர்களுடைய திருமண உறவில் விரிசல் ஏற்பட்டுள்ளதாக தகவல் வெளியாகி அவர்களுடைய ரசிகர்கள் மற்றும் நலம் விரும்பிகளுக்கு கவலையை ஏற்படுத்தியுள்ளது.