இளவரசர் வில்லியம் கேட் திருமண உறவுக்குள் மூன்றாவதாக ஒரு பெண்: வேகமாக பரவும் வதந்தி

இளவரசி கேட் உடல் நலம் பாதிக்கப்பட்டு அறுவை சிகிச்சை ஒன்றிற்குப் பின் ஓய்வெடுத்துவரும் நிலையில், அவர் வெளியில் தலைகாட்டாததாலும், அவர் எப்படி இருக்கிறார் என்பதைக் குறித்து அரண்மனை வட்டாரம் சரியான விளக்கமளிக்காமல் இருப்பதாலும், பிரித்தானிய ராஜ குடும்பம் குறித்த மோசமான வதந்திகள் வேகமாகப் பரவிவருகின்றன.

இளவரசர் வில்லியமுக்கு வேறொரு பெண்ணுடன் உறவு

இளவரசி கேட், அன்னையர் தினத்தையொட்டி ஒரு புகைப்படத்தை வெளியிட்டிருந்தார். அதில் இளவரசர் வில்லியம் இல்லை, கேட் விரலில் அவருடைய திருமண மோதிரம் இல்லை. பின்னர், அது எடிட் செய்யப்பட்ட புகைப்படம் என தெரியவந்தது.

Stephen Pond / Getty Images

அந்த புகைப்படத்தால் எழுந்த சர்ச்சையை அமைதிப்படுத்தும் வகையில் மறுநாள் மற்றொரு புகைப்படம் வெளியானது. ஆனால், அதில் இளவரசர் வில்லியம் முகம் தெளிவாகத் தெரிய, அவர் அருகில் அமர்ந்திருந்த இளவரசி கேட்டின் முகம் தெளிவாகத் தெரியவில்லை.

உடனே, அது இளவரசி கேட்டே இல்லை, அது இளவரசர் வில்லியமுடைய ரகசிய காதலியான Rose Hanbury என்னும் பெண் என்ற வதந்தி வேகமாகப் பரவத் துவங்கியது.

Dave M. Benett / Getty Images

யார் அந்தப் பெண்?

இந்த Rose Hanbury, இளவரசர் வில்லியமுடைய ரகசிய காதலி என்றும், இளவரசி கேட், குட்டி இளவரசர் லூயிஸை தன் வயிற்றில் சுமந்துகொண்டிருந்த நேரத்தில், வில்லியமுக்கும் ரோஸுக்கும் தவறான உறவு இருந்ததாகவும் ஊடகம் ஒன்று செய்தி வெளியிட்டது.

Stephen Pond / Getty Images

2019ஆம் ஆண்டு, இந்த விடயம் தொடர்பில் வில்லியமுக்கும் கேட்டுக்கும் இடையே சண்டை ஏற்பட்டதாகவும், கேட்டின் தோழியாக இருந்த ரோஸுக்கும் வில்லியம் கேட் தம்பதிக்கும் இடையில் அதனால் கருத்துவேறுபாடுகள் உருவானதாகவும் செய்திகள் பரவின.

தற்போது இளவரசி கேட் வெளியிட்ட புகைப்படத்தில் அவரது திருமண மோதிரம் இல்லாததாலும், அவரும் வில்லியமும் காரில் பயணிக்கும் புகைப்படத்தில் கேட்டின் முகம் தெளிவாகத் தெரியாததால் அது ரோஸ் என்று சமூக ஊடகங்களில் கருத்துக்கள் பரவுவதாலும், வில்லியம், ரோஸ் உறவு குறித்த பழைய செய்திகள் மீண்டும் பரவத்துவங்கியுள்ளன.

Stephen Pond / Getty Images

இளவரசர் வில்லியம் தன் மனைவியின் உடல் நலம் குறித்து எந்த விளக்கமும் அளிக்காமல் மவுனம் காப்பதும், அரண்மனை வட்டாரம் இந்த செய்திகள் குறித்து எந்த விளக்கமும் அளிக்காததும், மேலும் மேலும் சந்தேகத்தை உருவாக்கிவருவது குறிப்பிடத்தக்கது.