அந்த செய்தியில் உண்மையில்லை... மௌனம் கலைத்த இளவரசர் வில்லியமுடைய ’ரகசிய காதலி’

இளவரசி கேட் அறுவை சிகிச்சைக்குப் பின் பொதுவெளியில் தலைகாட்டாததால் எழுந்த சர்ச்சைகளைத் தவிர்ப்பதற்காக அன்னையர் தினத்தையொட்டி ஒரு புகைப்படத்தை வெளியிட்டிருந்தார். ஆனால், அதில் இளவரசர் வில்லியம் இல்லை, அத்துடன், கேட் விரலில் அவருடைய திருமண மோதிரம் இல்லை.

எழுந்த சர்ச்சை

அதனால் வதந்திகள் பரவத் துவங்க, அந்த புகைப்படத்தால் எழுந்த சர்ச்சையை அமைதிப்படுத்தும் வகையில் மறுநாள் மற்றொரு புகைப்படம் வெளியானது. ஆனால், அதில் இளவரசர் வில்லியம் முகம் தெளிவாகத் தெரிய, அவர் அருகில் அமர்ந்திருந்த இளவரசி கேட்டின் முகம் தெளிவாகத் தெரியவில்லை.

உடனே, அது இளவரசி கேட்டே இல்லை, அது இளவரசர் வில்லியமுடைய ரகசிய காதலியான Rose Hanbury என்னும் பெண் என்ற வதந்தி வேகமாகப் பரவத் துவங்கியது.

யார் அந்தப் பெண்?

இந்த Rose Hanbury, இளவரசர் வில்லியமுடைய ரகசிய காதலி என்றும், இளவரசி கேட், குட்டி இளவரசர் லூயிஸை தன் வயிற்றில் சுமந்துகொண்டிருந்த நேரத்தில், வில்லியமுக்கும் ரோஸுக்கும் தவறான உறவு இருந்ததாகவும் ஊடகம் ஒன்று செய்தி வெளியிட்டது.  

2019ஆம் ஆண்டு, இந்த விடயம் தொடர்பில் வில்லியமுக்கும் கேட்டுக்கும் இடையே சண்டை ஏற்பட்டதாகவும், கேட்டின் தோழியாக இருந்த ரோஸுக்கும் வில்லியம் கேட் தம்பதிக்கும் இடையில் அதனால் கருத்துவேறுபாடுகள் உருவானதாகவும் செய்திகள் பரவின.

தற்போது இளவரசி கேட் வெளியிட்ட புகைப்படத்தில் அவரது திருமண மோதிரம் இல்லாததாலும், அவரும் வில்லியமும் காரில் பயணிக்கும் புகைப்படத்தில் கேட்டின் முகம் தெளிவாகத் தெரியாததால் அது ரோஸ் என்று சமூக ஊடகங்களில் கருத்துக்கள் பரவுவதாலும், வில்லியம், ரோஸ் உறவு குறித்த பழைய செய்திகள் மீண்டும் பரவத்துவங்கின.

வெளிப்படையாக அவமதித்த அமெரிக்க தொலைக்காட்சி

இதற்கிடையில், அமெரிக்க தொலைக்காட்சி நிகழ்ச்சியான The Late Show என்னும் நிகழ்ச்சியைத் தொகுத்து வழங்குபவரான Stephen Colbert என்பவர், Rose Hanbury, இளவரசர் வில்லியமுடைய ரகசிய காதலி என்றும், வில்லியமுக்கும் ரோஸுக்கும் தவறான உறவு இருந்ததாகவும் வெளிப்படையாக கூறி கேலி செய்தார்.

2019ஆம் ஆண்டு, இந்த விடயம் தொடர்பில் வில்லியமுக்கும் கேட்டுக்கும் இடையே சண்டை ஏற்பட்டதாகவும், கேட்டின் தோழியாக இருந்த ரோஸுக்கும் வில்லியம் கேட் தம்பதிக்கும் இடையில் அதனால் கருத்துவேறுபாடுகள் உருவானதாகவும் இணையத்தில் செய்திகள் பரவுவதாகவும், அது குறித்து இளவரசர் வில்லியமிடம் கேள்வி எழுப்பினால், அவர் பதில் கூறாமல் சிரித்துக்கொண்டே சென்றுவிட்டதாகவும் தெரிவித்தார் Stephen Colbert.

ஆக, ரோஸ் வில்லியம் உறவு தொடர்பான செய்திகள் மீண்டும் ஊடகங்களிலும், சமூக ஊடகங்களிலும் பரவத்துவங்கின.

முதன்முறையாக மௌனம் கலைத்த ரோஸ்

இந்நிலையில், முதன்முறையாக ரோஸ் மௌனம் கலைத்துள்ளார். ரோஸுடைய சட்டத்தரணிகள், ரோஸையும் இளவரசர் வில்லியமையும் இணைத்து பரவிவரும் செய்திகளில் உண்மையில்லை என்று கூறியுள்ளனர்.

ரோஸ் தனது கணவருடன் நோர்ஃபோல்க் எஸ்டேட்டில் வில்லியம், கேட் வீட்டுக்கு அருகிலேயேதான் வாழ்ந்துவருகிறார். அவர், இளவரசி கேட்டின் நெருங்கிய தோழியும் ஆவார். இந்நிலையில், அவரையும் இளவரசர் வில்லியமையும் குறித்து பரவத்துவங்கிய செய்திகள் இரு குடும்பத்தாருக்கும் தர்மசங்கடமான சூழ்நிலையை உருவாக்கிவிட்டது என்பதில் சந்தேகமில்லை.