லங்காசிறி FM
ராஜ குடும்பத்தில் திடீரென கவனம் ஈர்க்கும் ஒரு இளவரசி: யார் அவர்?
Balamanuvelan
in ஐக்கிய இராச்சியம்
பிரித்தானிய ஊடகங்களில் பொதுவாக இளவரசி கேட் குறித்த செய்திகள் அதிகம் வெளியாகும்.
ஹரி, மேகனை திருமணம் செய்தபின், மேகனைக் குறித்த செய்திகள், அதுவும் எதிர்மறையாக செய்திகள் அதிகம் வெளியாகத் துவங்கின.
அவ்வப்போது, சர்ச்சைக்குரிய இளவரசர் ஆண்ட்ரூவின் மகள்களான பீட்ரைஸ் மற்றும் யூஜினி ஆகியோரின் பெயர்களும் வெளியாவதுண்டு.
இந்நிலையில், சமீப காலமாக, அதுவும் இளவரசி கேட் புற்றுநோயால் பாதிக்கப்பட்டதைத் தொடர்ந்து, மற்றொரு இளவரசி ஊடகங்களில் தலைப்புச் செய்தியாகிவருகிறார்.
யார் அவர்?
அந்த இளம்பெண்ணின் பெயர் லூயிஸ் ( Lady Louise Windsor, 21).
மன்னரின் கடைசி தம்பியான இளவரசர் எட்வர்ட், எடின்பர்க் கோமகள் சோபி தம்பதிக்கு இரண்டு பிள்ளைகள், லூயிஸ் மற்றும் அவரது தம்பியான ஜேம்ஸ் (17).
இருவரும் ராஜ குடும்பத்தில் பிறந்ததால், பிறப்பிலேயே அவர்கள் இளவரசியும் இளவரசரும்.
என்றாலும், அவர்களுடைய பெற்றோரான இளவரசர் எட்வர்டும் அவரது மனைவியான எடின்பர்க் கோமள் சோபியும் தங்கள் பிள்ளைகளுக்கு Her Royal Highness, His Royal Highness என்னும் பட்டங்கள் வேண்டாம், அவர்கள் சாதாரண மக்களாககே வளரட்டும் என்று கூறிவிட்டார்கள்.
அத்துடன் லூயிஸுக்கு 18 வயதானதும், இளவரசி என அழைக்கப்படும் உரிமை அவருக்கு தானாகவே வந்துவிட்டது. என்றாலும், இதுவரை அவர் அந்த பட்டத்தை பயன்படுத்தவில்லை.
அரியணையேறும் வரிசையில் 16ஆவது நபராக இருக்கும் லூயிஸ், தான் படிக்கும் செயின் ட் ஆண்ட்ரூஸ் பல்கலையில், University Officer Training Corps (UOTC) என்னும் எதிர்கால ராணுவ அதிகாரிகளுக்கான பயிற்சியில் இணைந்துள்ளார்.
1945ஆம் ஆண்டு, முன்னாள் பிரித்தானிய மகாராணியான எலிசபெத் இளவரசியாக இருந்தபோது ஒரு ஜூனியர் கமாண்டராக ராணுவத்தில் பணியாற்றினார்.
அதற்குப் பின் எந்த பிரித்தானிய இளவரசியும் ராணுவத்தில் இணையவில்லை.
இந்நிலையில், தற்போது இளவரசி லூயிஸ் தன் பாட்டியாரைப் பின்பற்றி ராணுவத்தில் இணைய இருப்பதாக தகவல் வெளியாகியுள்ளது.
இளவரசி லூயிஸ், ராணுவ சீருடையில் துப்பாக்கி ஏந்தி நிற்கும் காட்சிகள் வெளியாகியுள்ளன.
இப்படி தொடர்ச்சியாக லூயிஸ் குறித்து செய்திகள் வெளியாகிவரும் நிலையில், வருங்கால மன்னரான இளவரசர் வில்லியம், லூயிஸ் மற்றும் ஜேம்ஸுக்காக பெரிய திட்டம் வைத்துள்ளதாக Scottish Daily Express என்னும் ஊடகம் தெரிவித்துள்ளது.
ஆம், அவர்களையும் ராஜ குடும்பத்தில் முக்கிய பொறுப்புகள் வகிக்கும், ‘பணி செய்யும் ராஜ குடும்ப உறுப்பினர்களாக’ (working royals) ஆக்க வில்லியம் திட்டம் வைத்துள்ளார் என்னும் செய்தியும் வெளியாகியுள்ளது.
ஆக, இளவரசி லூயிஸ், ஊடகங்களில் தொடர்ந்து தலைப்புச் செய்தியாகிவருவதன் பின்னணியில் முக்கிய காரணங்கள் இருப்பதாக கருதப்படுகிறது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
சுழிபுரம் மேற்கு, London, United Kingdom, South Wales, United Kingdom
19 Jan, 2025
மானிப்பாய், திருநெல்வேலி, பிரான்ஸ், France, London, United Kingdom
23 Jan, 2020
புங்குடுதீவு 12ம் வட்டாரம், கிளிநொச்சி, Eastham, United Kingdom, பேர்ண், Switzerland
20 Jan, 2022
அப்புத்தளை, சங்குவேலி, பருத்தித்துறை, வவுனியா, Auckland, New Zealand, சிட்னி, Australia
21 Jan, 2025
மல்லாவி யோகபுரம், கொழும்பு, Kuala Lumpur, Malaysia, Toronto, Canada, அளவெட்டி
25 Dec, 2024
கொழும்பு, நியூஸ்லாந்து, New Zealand, அவுஸ்திரேலியா, Australia
22 Jan, 2000
புங்குடுதீவு 8ம் வட்டாரம், Montreal, Canada, Toronto, Canada, வவுனியா
21 Jan, 2022
புங்குடுதீவு 2ம் வட்டாரம், புங்குடுதீவு 5ம் வட்டாரம், பிரான்ஸ், France
20 Jan, 2011
புங்குடுதீவு 9ம் வட்டாரம், முரசுமோட்டை, சுவிஸ், Switzerland
21 Jan, 2021
