இளவரசி டயானாவுக்கு தான் முதலில் தவறான தொடர்பு இருந்தது: முதன்முறையாக வெளியான அதிர்ச்சி தகவல்
இளவரசர் சார்லஸ் இளவரசி டயானா பிரிவுக்கு இதுவரை இளவரசர் சார்லஸ் மீதே குற்றம் சாட்டப்பட்டுவந்த நிலையில், முதன்முறையாக தம்பதியரின் காவலர் ஒருவர், அதிரடியாக இதுவரை வெளிவராத தகவல் ஒன்றை வெளியிட்டுள்ளார்.
அதாவது, சார்லஸ் டயானா திருமணம் முறிவதற்கு, சார்லஸ் தனது முன்னாள் காதலியான கமீலா பார்க்கருடன் பழகத் துவங்கியதுதான் காரணம் என்றே இதுவரை எல்லாரும் கூறிவந்தார்கள்.
ஆனால், அப்படியல்ல, இளவரசி டயானாதான் பிரச்சினைக்குக் காரணம் என்கிறார் தம்பதியரின் பாதுகாவலராக இருந்த Allan Peters என்பவர்.
கமீலாவும் சார்லஸும் தங்கள் 20 வயதுகளில் சந்தித்துக்கொண்டது உண்மைதான். ஆனால், எப்போது டயானாவுக்கு வேறு ஒருவருடன் தவறான உறவு இருக்கிறது என சார்லஸுக்கு தெரியவந்ததோ, அதன் பிறகுதான் அவர் மீண்டும் கமீலாவைத் தேடிச்சென்றார் என்கிறார் Peters.
சொல்லப்போனால், டயானாவுக்கும் அவரது பாதுகாவலரான Barry Mannakee என்பவருக்கும் இடையில் தவறான உறவு இருப்பது குறித்து சார்லஸிடம் கூறியதே தான்தான் என்கிறார் Peters.
இதே விடயத்தை சார்லஸின் வாழ்க்கை வரலாற்றை எழுதியவரான Jonathan Dimbleby என்பவரும் தனது புத்தகத்தில் குறிப்பிட்டிருக்கிறார். 1986இல்தான் சார்லஸ் மீண்டும் கமீலாவைத் தேடிச்சென்று தங்கள் உறவைப் புதுப்பித்துக்கொண்டார் என அவர் தனது புத்தகத்தில் குறிப்பிட்டுள்ளார்.
1985ஆம் ஆண்டு Mannakee டயானாவின் பாதுகாவலராக நியமிக்கப்பட்டுள்ளார். அப்போது, ஒரு நாள் மீன் பிடிக்க சென்ற நிலையில், இருவருக்கும் இடையில் உறவு ஏற்பட்டிருக்கிறது.
டயானா திடீரென வித்தியாசமாக நடந்துகொள்வதை கவனித்த Peters, அவரிடம் இது குறித்து கேட்க, முதலில் மறுத்த டயானா, பின்னர் தங்கள் இருவருக்கும் இடையில் தொடர்பு இருப்பதை ஒப்புக்கொண்டுள்ளார்.
டயானா திடீரென வித்தியாசமாக நடந்துகொள்வதை சார்லஸும் கவனித்திருக்கிறார். பின்னர் Mannakee வேறொரு இடத்துக்கு மாற்றப்பட்டிருக்கிறார். இந்நிலையில், டயானா ஏன் இப்படி திடீரென வித்தியாசமாக நடந்துகொள்கிறார்?
அவரது பாதுகாவலரான Mannakee வேறிடத்துக்கு மாற்றப்பட்டதால் அவர் கவலையாக இருக்கிறாரென்றால், Mannakeeயே தொடர்ந்து டயானாவுக்கு பாதுகாவலராக இருக்கட்டுமே என்று சார்லஸ் கூற, வேறு வழியில்லாமல், அப்போதுதான் டயானாவுக்கும் Mannakeeக்கும் இடையில் உள்ள உறவு குறித்த உண்மையைப் போட்டு உடைத்திருக்கிறார் Peters.
அதைக் கேட்ட சார்லஸ் கடுமையாக அதிர்ச்சியடைந்ததாக தெரிவிக்கிறார் Peters.
இந்நிலையில், 1986ஆம் ஆண்டு, மற்றொரு பொறுப்பு Mannakeeக்கு கொடுக்கப்பட்டு அவர் நேறொரு இடத்துக்கு மாற்றப்பட்ட நிலையில், ஓராண்டுக்குப் பின் தனது 39ஆவது வயதில் மர்மமான முறையில் விபத்து ஒன்றில் அவர் உயிரிழந்தது குறிப்பிடத்தக்கது.