ராஜ குடும்பத்தில் ஒரு முக்கிய மாற்றம்? இளவரசர் வில்லியமுடைய பொறுப்பை ஏற்ற இளவரசி
பிரித்தானியாவின் நடைபெற்ற முக்கிய நிகழ்வொன்றில், இளவரசர் வில்லியமுக்கு பதிலாக, இளவரசி பீட்ரைஸ் கலந்துகொண்ட விடயம் பெரிய அளவில் கவனம் ஈர்த்துள்ளது.
வில்லியமுடைய பொறுப்பை ஏற்ற இளவரசி
பிரித்தானியாவில் நடைபெறும் முக்கிய நிகழ்வுகளில் ஒன்று, Earthshot Prize event என்பதாகும். Earthshot Prize என்னும் சுற்றுச்சூழலுக்கான விருதொன்றை உருவாக்கியவர் இளவரசர் வில்லியம். பின்னர், அது ஒரு தொண்டு நிறுவனமாக மாற்றப்பட்டது. சுற்றுச்சூழல் பிரச்சினைகளுக்கு தீர்வு காண்போருக்கு இந்த விருது வழங்கப்படும்.
செவ்வாயன்று, அதாவது, ஜூன் மாதம் 25ஆம் திகதி நடைபெற்ற இந்த விருது வழங்குதல் தொடர்பான நிகழ்ச்சியில் இளவரசர் வில்லியம் கலந்துகொள்ளவேண்டியிருந்த நிலையில், பிரித்தானியாவுக்கு ஜப்பான் மன்னரும் ராணியும் அரசு முறைப்பயணமாக வந்ததால், அவர்களை வரவேற்க அவர் செல்லவேண்டியதாயிற்று.
While Prince William was busy, Princess Beatrice @yorkiebea stepped in and took part in the #EarthshotPrize Water Roundtable, which brought together investors and philanthropists to explore water as an emerging investment theme. @RoyalFamily @KensingtonRoyal @EarthshotPrize pic.twitter.com/AQ0truZVxs
— Princess Beatrice ♔ (@HRHBeaOfYork) June 25, 2024
ஆகவே, Earthshot Prize நிகழ்ச்சியில், இளவரசர் வில்லியமுக்கு பதிலாக மன்னருடைய தம்பியான இளவரசர் ஆண்ட்ரூவின் மகள் இளவரசி பீட்ரைஸ் கலந்துகொண்டார்.
அவர் அந்நிகழ்ச்சியில் கலந்துகொண்டதைக் காட்டும் புகைப்படங்கள் வெளியாகியுள்ள நிலையில், அவரது ரசிகர்கள் அதை மகிழ்ச்சியுடன் வரவேற்றுள்ளார்கள்.
ராஜ குடும்பத்துக்கு உதவியாக களமிறங்கிய அவரை பாராட்டியுள்ள அவர்கள், மேலும் பல நிகழ்ச்சிகளில் இளவரசியைக் காண விரும்புவதாக கூறி, தங்கள் விருப்பதை வெளியிட்டுள்ளார்கள்.
ராஜ குடும்பத்தில் ஒரு முக்கிய மாற்றம்?
இளவரசி பீட்ரைஸ் ராஜ குடும்பத்தின் அதிகாரப்பூர்வ மூத்த உறுப்பினர் அல்ல. ஆனாலும் அவர் வில்லியமுக்கு பதிலாக அந்நிகழ்ச்சியில் கலந்துகொண்ட விடயம் முக்கியத்துவம் வாய்ந்ததாக கருதப்படுகிறது.
இளவரசி கேட் புற்றுநோயால் பாதிக்கப்பட்டு சிகிச்சை பெற்றுவரும் நிலையில், இளவரசி ஆனும் மருத்துவமனையில் அனுமதிக்கப்பட்டிருக்க, Earthshot Prize நிகழ்ச்சியில், இளவரசர் வில்லியமுக்கு பதிலாக இளவரசி பீட்ரைஸ் கலந்துகொண்ட விடயம், எதிர்காலத்தில் அவர் ராஜ குடும்பத்தின் அதிகாரப்பூர்வ மூத்த உறுப்பினராகும் வாய்ப்பை உருவாக்கிக்கொடுக்கலாம் என எதிர்பார்க்கப்படுகிறது.
உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |