லங்காசிறி FM
தனியார் பேருந்துகளிலும் பெண்கள் இலவச பயணம்; பேருந்து உரிமையாளர்கள் கோரிக்கை
tn private bus owners demand include private bus in women free bus scheme : தனியார் பேருந்துகளிலும் பெண்கள் இலவச பயணம் வழங்க வேண்டுமென தனியார் பேருந்து உரிமையாளர்கள் கோரிக்கை விடுத்தள்ளனர்.
மகளிர் இலவச பயணம்
கடந்த திமுக ஆட்சியில் மாநகர, நகரப் பேருந்துகளில் பெண்கள் இலவசமாக பயணிக்கும் வகையில் மகளிர் விடியல் பயணம் என்ற திட்டம் அறிமுகம் செய்யப்பட்டது.
இந்த திட்டத்தினை விரிவாக்கம் செய்துள்ள முதல்வர் விஜய், அக்டோபர் 2 முதல் எக்ஸ்பிரஸ், எல்.எஸ்.எஸ், டீலக்ஸ், புறநகர் சாதாரண பேருந்துகள் உள்ளிட்டவற்றில் வெற்றி பயணம் திட்டம் மூலம் இலவசமாக பயணிக்கலாம் என அறிவித்துள்ளார்.
இந்த திட்டத்தின் மூலம், சுமார் 84.32 லட்சம் பெண்கள் பயன்பெறுவார்கள் என தெரிவிக்கப்பட்டுள்ளது.
தனியார் பேருந்து உரிமையாளர்கள் கோரிக்கை
இந்த திட்டம் நடைமுறைக்கு வந்தால் தங்களின் தொழில் கடுமையாக பாதிக்கப்படும் தனியார் பேருந்து உரிமையாளர்கள் கூட்டமைப்பு எதிர்ப்பு தெரிவித்துள்ளது.
மேலும், அரசுப் பேருந்துகளில் பெண்களுக்கு இலவசப் பயணம் அனுமதிக்கப்பட்டுள்ளதைப் போல் தனியார் பேருந்துகளிலும், பெண்கள், திருநங்கையர் மற்றும் மாற்றுத்திறனாளிகள் இலவசமாகப் பயணிக்க அனுமதிக்க வேண்டும்.
இலவசப் பயணத்தால் தனியார் பேருந்துகளுக்கு ஏற்படும் வருவாய் இழப்பை ஈடுசெய்யும் வகையில் தமிழ்நாடு அரசு, தனியார் பேருந்துகளுக்கு மானியத்தை வழங்க வேண்டும் என தெரிவித்துள்ளது.
இந்த கோரிக்கையை அரசின் கவனத்திற்கு கொண்டு செல்லும் வகையில் செப்டம்பர் .29 ஆம் தேதி நள்ளிரவு 12.00 மணி முதல் செப்டம்பர்.30 ஆம் தேதி நள்ளிரவு 12.00 மணி வரை 24 மணி நேரம், மாநிலம் முழுவதும் தனியார் பேருந்துகளை இயக்க மாட்டோம்" என்று அறிவித்துள்ளனர்.
பொதுமக்களின் நலனைக் கருத்தில் கொண்டு, போக்குவரத்துத் துறை அதிகாரிகள் மற்றும் அரசுப் பிரதிநிதிகள் தனியார் பேருந்து உரிமையாளர் சங்க நிர்வாகிகளுடன் அவசரப் பேச்சுவார்த்தை நடத்தத் திட்டமிட்டுள்ளனர்.
மானிப்பாய், Florida, United States, Southgate, United Kingdom
24 Sep, 2026
வறுத்தலைவிளான், யாழ்ப்பாணம், கோண்டாவில், கொழும்பு, அநுராதபுரம்
25 Sep, 2022
