ரஷ்ய ஜனாதிபதி புடினுக்கு புற்றுநோய்? வெளியான ஆதாரங்கள்
ரஷ்ய ஜனாதிபதி புடினுடன் அடிக்கடி மருத்துவர் ஒருவர் காணப்படும் நிலையில், புடினுக்கு என்ன உடல் நலப் பிரச்சினை என கேள்வி எழுந்துள்ளது.
அறுவை சிகிச்சை நிபுணரான Yevgeny Selivanov என்னும் மருத்துவர், புடின் வீட்டுக்கு குறைந்தபட்சம் 35 முறையாவது சென்றுள்ளதாக ஒரு தகவல் வெளியாகியுள்ளது.
அவர் தைராய்டு புற்றுநோய்க்கு சிகிச்சை அளிக்கும் ஒரு மருத்துவர் ஆவார்.
ரஷ்ய ஊடகம் ஒன்று இந்த செய்தியை வெளியிட்டுள்ளது. அந்த ஊடகம் தற்போது ரஷ்யாவில் தடை செய்யப்பட்டுவிட்டதால், வெளிநாட்டிலிருந்து இயங்கி வருகிறது.
ஆக, புடினுக்கு ஸ்டீராய்டுகள் கொண்டு சிகிச்சையளிக்கப்பட்டு வரலாம். அதனால்தான் அவரது கழுத்துப் பகுதியும் முகமும் வீங்கிக் காணப்படுகின்றன என்று ஒரு கருத்து நிலவுகிறது.
இன்னொரு பக்கம், புடின் வெளிப்படையாகவே தைராய்டு புற்றுநோய் குறித்து ஆர்வம் காட்டியதாக மற்றொரு செய்தி வெளியாகியுள்ளது.
2020ஆம் ஆண்டு ஜூலை மாதம், புடின், தேசிய தைராய்டு சிகிச்சை மைய தலைவரான Ivan Dedov என்பவரை சந்தித்து தைராய்டு புற்றுநோய் குறித்து விசாரித்ததாக ஒரு தகவல் கூறப்படுகிறது. இந்த Ivan Dedovஇன் கீழ்தான் புடினுடைய மூத்த மகளான Maria பணி செய்கிறார்.
இந்த தகவலை வெளியிட்டுள்ள ரஷ்ய ஊடகம் ஒன்றுதான் ஏற்கனவே புடின் உக்ரைன் மீது போர் தொடுக்கக் காரணம் அவரது உடல் நலப் பிரச்சினைகள்தான் என்று கூறியிருந்தது குறிப்பிடத்தக்கது.