லங்காசிறி FM
தீவிரமடையும் உக்ரைன் போர்... சுவிட்சர்லாந்தின் இரகசிய இடத்தில் புடினின் காதலி மற்றும் பிள்ளைகள்
உக்ரைன் போர் நாளுக்கு நாள் தீவிரமடைந்துவரும் நிலையில், தமது இரகசிய காதலி மற்றும் நான்கு பிள்ளைகளை பத்திரமாக சுவிட்சர்லாந்துக்கு அனுப்பி வைத்துள்ளார் ரஷ்ய ஜனாதிபதி விளாடிமிர் புடின்.
ஒலிம்பிக் போட்டிகளில் தங்கம் வென்றவரும் ரஷ்யாவின் தலைசிறந்த ஜிம்னாஸ்டிக் வீராங்கனைகளில் ஒருவருமான Alina Kabaeva என்பவரே சுவிட்சர்லாந்தில் இரகசிய இல்லம் ஒன்றில் ரஷ்ய ஜனாதிபதியால் தங்க வைக்கப்பட்டுள்ளார்.
ரஷ்ய ஜனாதிபதியுடன் இவருக்கு நான்கு பிள்ளைகள் இருப்பதாக கூறப்பட்டாலும், Alina Kabaeva தரப்பில் இதுவரை உறுதி செய்யப்படவில்லை. ரஷ்ய படையெடுப்புக்கு பின்னர் 1.5 மில்லியன் உக்ரேனிய மக்கள் அகதிகளாக்கப்பட்ட நிலையில், விளாடிமிர் புடினின் குடும்பத்தினர் மற்றும் உறவினர்கள் பாதுகாப்பாக வெளிநாடுகளுக்கு அனுப்பி வைக்கப்பட்டுள்ளதாகவே குற்றச்சாட்டுகள் முன்வைக்கப்படுகிறது.
Alina Kabaeva-வின் பிள்ளைகள் நால்வரும் சுவிட்சர்லாந்தில் பிறந்தவர்கள் என்பதால், அவர்களுக்கு சுவிஸ் கடவுச்சீட்டும் அனுமதிக்கப்பட்டுள்ளதாகவே தகவல் வெளியாகியுள்ளது.
ரஷ்ய ஜனாதிபதி விளாடிமிர் புடின் இதுவரை தமது குடும்ப வாழ்க்கை, பிள்ளைகள் தொடர்பில் பொதுவெளியில் எந்த தகவலும் பகிர்ந்து கொண்டதே இல்லை. மட்டுமின்றி, அவரது குடும்பம் மற்றும் பிள்ளைகள் தொடர்பில் தகவல் வெளியிட்டவர்களை மிக மோசமாகவும் புடின் விமர்சித்துள்ளார்.
விமான பணிப்பெண்ணாக பணியாற்றி வந்த Lyudmila Putina என்பவரை சுமார் 30 ஆண்டுகளுக்கு முன்னர் திருமணம் செய்து கொண்ட புடின், கடந்த 2013ல் இருவரும் விவாகரத்து செய்து கொள்வதாக அறிவித்தார்.
இந்த நிலையிலேயே ஒலிம்பிக் வீராங்கனை Alina Kabaeva என்பவரை புடின் இரகசிய திருமணம் செய்து கொண்டார் என்ற தகவல் கசிந்தது குறிப்பிடத்தக்கது.
உசன், Jaffna, Ibadan, Nigeria, Riyadh, Saudi Arabia, London, United Kingdom
05 Sep, 2026
கல்வியங்காடு, கட்டப்பிராய், மதுரை, தமிழ்நாடு, India, Gants Hill, United Kingdom
07 Aug, 2026
வண்ணார்பண்ணை, Leiden, Netherlands, Sutton, United Kingdom
06 Sep, 2021
காரைநகர், யாழ். கரவெட்டி, நெல்லியடி, உடையார்கட்டு, Toronto, Canada
03 Sep, 2023
