லங்காசிறி FM
ராணியின் வருகைக்காக சோகத்துடன் காத்திருந்த செல்லப்பிராணிகள்!
Ragavan
in ஐக்கிய இராச்சியம்
சவப்பெட்டியில் வந்த தங்களது எஜமானிக்காக சோகமாக காத்திருந்த ராணியின் செல்லப்பிராணிகள்.
ராணி இரண்டாம் எலிசபெத், கடைசியாக அவர் வளர்ந்துவந்த இரண்டு கோர்கிஸ் நாய்கள் மற்றும் கறுப்பு குதிரை மீது மிகவும் பிரியமாக இருந்தார்.
ராணியின் செல்லப்பிராணிகளான கோர்கிஸ் நாய்களும் கருப்பு குதிரையும், விண்ட்சர் கோட்டைக்கு வெளியே அவரது சவப்பெட்டி வரும் வரை பொறுமையாகக் காத்திருந்த புகைப்படங்கள் மற்றும் வீடியோ காட்சிகள் இணையத்தில் வைரலாயின.
வெஸ்ட்மின்ஸ்டர் அபேயில் நடந்த வரலாற்று நிகழ்வைப் பார்க்கும் ராயல் ரசிகர்களுக்கு இது ஏற்கனவே ஒரு உணர்ச்சிகரமான நாளாகும், மேலும் பலர் தங்கள் உணர்வுகளைக் கட்டுப்படுத்த போராடியுள்ளனர்.
அதேபோல், விசுவாசமான விலங்குகள் தங்கள் உரிமையாளரின் சவப்பெட்டியை செயின்ட் ஜார்ஜ் தேவாலயத்திற்கு எடுத்துச் செல்வதைக் கண்ட காட்சி பலரின் கண்களில் ஓரிரு கண்ணீரை வரவழைத்துள்ளது.
மறைந்த ராணி இரண்டாம் எலிசபெத் பெர்க்ஷயரில் உள்ள வின்ட்சர் கோட்டையில் பொதுவாக வார இறுதி நாட்களைக் கழிப்பார். இப்போது அதுவே அவரது இறுதி ஓய்வு இடமாக இருக்கிறது.
மனிதர்கள் மட்டுமின்றி, ராணியின் செல்லப்பிராணிகளும் அவரது நல்லடக்கத்தின்போது அவருக்கு கடைசியாக விடைகொடுத்தன என்று சொல்வது பொருத்தமாக இருக்கும்.
தொற்றுநோய்களின் போது ராணிக்கு 'நிலையான மகிழ்ச்சியாக' இருந்த நாய்க்குட்டிகள் Muick மற்றும் Sandy பொறுமையாக வெளியில் காத்திருக்கும் காட்சிகள் பார்ப்பவரை கலங்கவைக்கும்.
ராணியின் குதிரையான Emma-வும் ராணியின் சவப்பெட்டி கடந்து செல்லும்போது சோகமாக நிற்பதைக் காணலாம்.
மெட்ரோ பத்த்ரிக்கையின் சமீபத்திய ஆராய்ச்சியில், நாய்களும் மனிதர்களைப் போலவே துக்கத்தை உணர்கிறது என்பதைக் கண்டறியப்பட்டுள்ளது.
எனவே, ராணியின் மரணம் கோர்கிஸ் நாய்களை உண்மையில் பாதிப்பை ஏற்படுத்தலாம்.
ராணி இரண்டாம் எலிசபெத் தனது ஆட்சியின் போது 30-க்கும் மேற்பட்ட corgis மற்றும் dorgis (ஒரு பிரபலமான கோர்கி டச்ஷண்ட் கலவை) நாய்களை செல்லமாக வளர்த்துள்ளார். இவ்வகை நாய் இனத்தை ராணி மிகவும் விரும்பினார்.
ராணியின் நாய்கள் அவருடைய வாழ்நாள் முழுவதும் அரச இல்லங்களில் அடிக்கடி அவரது பக்கத்தில் காணப்பட்டன, மேலும் அவை அவருக்கு கடைசி வரை தோழமையையும் பொழுதுபோக்கையும் அளித்தன.
இயக்கச்சியில் அமைந்துள்ள ReeCha organic Farm இல் ஒரு குறுகிய பொழுது பாரிய மாற்றத்தை தங்கள் வாழ்க்கையில் ஏற்படுத்த ஒவ்வொருவரையும் அன்போடு அழைக்கின்றோம்.
தெல்லிப்பழை, கொழும்பு, Dubai, United Arab Emirates, Scarborough, Canada
25 Sep, 2022
வறுத்தலைவிளான், யாழ்ப்பாணம், கோண்டாவில், கொழும்பு, அநுராதபுரம்
25 Sep, 2022
