காதல் கணவரை பிரிந்து வாழ்கிறேன்.. சூசகமாக கூறிய பிரபல நடிகை

Rachitha Mahalakshmi

By Raju May 09, 2022 10:16 AM GMT

Raju

in பொழுதுபோக்கு

Report

பிரபல சீரியல் நடிகையான ரச்சிதா தனது கணவரை பிரிந்து தனிமையில் இருப்பதாக கூறியுள்ளது ரசிகர்களுக்கு அதிர்ச்சியை ஏற்படுத்தியுள்ளது.

விஜய் டிவியில் ஒளிபரப்பான சரவணன் மீனாட்சி சீரியல் மூலம் பிரபலமானவர் ரச்சிதா. இவர் தன்னுடன் பிரிவோம் சந்திப்போம் என்ற சீரியலில் இணைந்து நடித்த தினேஷ் என்பவரை காதலித்து திருமணம் செய்துகொண்டார்.

கடந்த 2015ஆம் ஆண்டு இவர்களது திருமணம் நடந்தது. அதன் பின்னரும் தொடர்ந்து இருவரும் சீரியல்களில் பிசியாக இருந்தனர். இந்த நிலையில் கணவருடன் ஏற்பட்ட கருத்து மோதல் காரணமாக, ரச்சிதா ஓர் ஆண்டாக அவரை பிரிந்து வாழ்வதாக செய்தி வெளியானது. மேலும், இருவரது உறவினர்களும் சமாதானப்படுத்த முயன்றும் பலனில்லாததால், இருவரும் பிரிந்துவிட்டதாகவும் கூறப்பட்டது.

காதல் கணவரை பிரிந்து வாழ்கிறேன்.. சூசகமாக கூறிய பிரபல நடிகை | Rachitha Openup About Her Marriage Life

இதுவரை இந்த விடயம் குறித்து இருவரும் பேசாத நிலையில், ரச்சிதா சமீபத்தில் அளித்த பேட்டி ஒன்றில் கூறிய விடயம் ரசிகர்களை அதிர்ச்சியில் ஆழ்த்தியுள்ளது. இது சொல்ல மறந்த கதை என்ற சீரியலில் நடித்து வரும் ரச்சிதா அளித்த அந்த பேட்டியில்,

'இந்த சீரியலில் கணவனை இழந்து இரு பிள்ளைகளை வளர்க்க போராடும் துணிச்சல் மிகுந்த பெண்ணாக நடித்து இருக்கிறேன். இந்த கதாபாத்திரமும் எனது சொந்த வாழ்க்கையும் சிறிது ஒத்துப்போகிறது. இப்போது தனிமையில் மனவேதனையோடு இருக்கிறேன். இந்த கதாபாத்திரத்தில் இருக்கும் தைரியமும், அந்தந்த சூழ்நிலைகளை சமாளிக்கும் மனப்பக்குவமும் எனக்கு இருக்கிறது' என சூசகமாக கூறியுள்ளார்.