லங்காசிறி FM
பிரித்தானியர்கள் வாங்கி சேமிக்கத் துவங்கியுள்ள சில பொருட்கள்
Rise in sales of radios and tinned foods, say retailers: ரேடியோக்கள் மற்றும் டின்களில் அடைக்கப்பட்டுள்ள உணவுப்பொருட்கள் விற்பனை அதிகரித்துள்ளதாக சில்லறை வர்த்தகர்கள் தெரிவித்துள்ளார்கள்.
தேசிய அவசரநிலை ஏற்படும் பட்சத்தில், அதை எதிர்கொள்வதற்காக, மூன்று நாட்களுக்கான உணவு மற்றும் தண்ணீரை சேகரித்து வைத்துக்கொள்ளுமாறு சென்ற வாரம் பிரித்தானியர்களை அரசு அறிவுறுத்தியது நினைவிருக்கலாம்.
சேமித்து வைக்கவேண்டிய விடயங்கள்
சீக்கிரம் கெட்டுப்போகாத, டின்களில் அடைக்கப்பட்ட உணவுகள், மீன், காய்கறிகள், உலர் பழங்கள் மற்றும் கொட்டை வகைகள், பேட்டரியில் இயங்கும் டார்ச், போர்வைகள், முழுவதும் சார்ஜ் செய்யப்பட்ட பவர் பேங், ரொக்கப்பணம், முக்கிய ஆவணங்கள், முதலுதவி கிட், குழந்தைகளுக்கான பால் பவுடர், நேப்பிகள் மற்றும் செல்லப்பிராணிகளுக்கான உணவுகள் ஆகிய விடயங்களை சேகரித்து வைத்துக்கொள்ளுமாறு பிரித்தானிய மக்கள் அறிவுறுத்தப்பட்டனர்.
சிலர், திடீரென இது என்ன அறிவிப்பு என பதற்றமடைய, சமீபத்திய மோசமான வானிலை மற்றும் சைபர் தாக்குதல்களே இந்த நடவடிக்கைகளுக்குக் காரணம் என்றும், பயப்பட ஒன்றுமில்லை என்றும் அரசு தரப்பில் தெரிவிக்கப்பட்டது.
சில பொருட்களின் விற்பனை அதிகரிப்பு
இந்நிலையில், அரசின் அறிவிப்பைத் தொடர்ந்து, அத்தியாவசிய பொருட்களின் விற்பனை வியத்தகு அளவில் அதிகரித்துள்ளதாக சில்லறை வர்த்தகர்கள் தெரிவித்துள்ளனர்.
மக்கள் அரசின் அறிவுரைக்கு செவிசாய்த்துள்ளனர் என்பதை, தனது நிறுவனத்தில் டின்களில் அடைக்கப்பட்டுள்ள உணவுப்பொருட்களின் விற்பனை, வார இறுதியில் 40 சதவிகிதம் அதிகரித்துள்ளதும், போத்தல்களில் அடைக்கப்பட்ட குடிநீர் அதிகரித்துள்ளதும் உறுதி செய்துள்ளது, என்கிறது Iceland என்னும் பல்பொருள் அங்காடி.
Robert Dyas நிறுவனம், கடந்த வாரத்தை ஒப்பிடும்போது ரேடியோக்களின் விற்பனை 160 சதவிகிதம் அதிகரித்துள்ளதாகவும், Maplin நிறுவனம், தனது நிறுவனத்தில் ரேடியோக்களின் விற்பனை 92 சதவிகிதமும், டார்ச் விற்பனை 284 சதவிகிதமும், பவர் பேங்குகள் விற்பனை 106 சதவிகிதம் அதிகரித்துள்ளதாகவும் தெரிவித்துள்ளன.
புங்குடுதீவு 7ம் வட்டாரம், இராமநாதபுரம், Villetaneuse, France
27 Oct, 2025
புங்குடுதீவு 5ம் வட்டாரம், வேலணை கிழக்கு, சுவிஸ், Switzerland
26 Oct, 2018
குப்பிளான், London, United Kingdom, பிரான்ஸ், France
23 Oct, 2021
திருநெல்வேலி, யாழ்ப்பாணம், Idar- Oberstein, Germany, Coventry, United Kingdom
18 Oct, 2026