லங்காசிறி FM
இலங்கைக்கு எதிராக சதம் விளாசிய இருவர்! காலி டெஸ்டில் அபார ஆட்டம்
Sivaraj
in கிரிக்கெட்
இலங்கை அணிக்கு எதிரான காலி டெஸ்டில் வங்காளதேசத்தின் ரஹிம், ஷாண்டோ ஆகியோர் சதம் விளாசியுள்ளனர்.
முதல் டெஸ்ட்
காலியில் (Galle) இலங்கை மற்றும் வங்காளதேசம் அணிகளுக்கு இடையிலான முதல் டெஸ்ட் போட்டி நடந்து வருகிறது.
நாணய சுழற்சியில் வென்ற வங்காளதேசம் துடுப்பாட்டத்தை தெரிவு செய்து களமிறங்கியது. அனமுல் ஹக் டக்அவுட் ஆக, ஷாத்மன் இஸ்லாம் 14 ஓட்டங்களில் ரத்னயாகே பந்துவீச்சில் ஆட்டமிழந்தார்.
பின்னர் மொமினுள் ஹக் 29 ஓட்டங்களில் வெளியேற, வங்காளதேசம் 45 ஓட்டங்களுக்கு 3 விக்கெட் என தடுமாறியது.
அப்போது அணித்தலைவர் நஜ்முல் ஹொசைன் ஷாண்டோ உடன் முஷ்பிகுர் ரஹிம் கைகோர்த்தார். இந்தக் கூட்டணி அபாரமான ஆட்டத்தை வெளிப்படுத்தியது.
12வது டெஸ்ட் சதம்
இலங்கை பந்துவீச்சை லாவகமாக கையாண்ட இருவரும் 250 ஓட்டங்கள் பார்ட்னர்ஷிப் அமைத்தனர். நஜ்முல் ஹொசைன் ஷாண்டோ (Najmul Hossain Shanto) தனது 6வது டெஸ்ட் சதத்தை பதிவு செய்தார்.
அதனைத் தொடர்ந்து முஷ்பிகுர் ரஹிமும் (Mushfiqur Rahim) சதம் விளாசினார். இது அவருக்கு 12வது டெஸ்ட் சதம் ஆகும்.
முதல் நாள் முடிவில் வங்காளதேச அணி 3 விக்கெட்டுக்கு 292 ஓட்டங்கள் குவித்துள்ளது. ஷாண்டோ 136 ஓட்டங்களுடனும், ரஹிம் 105 ஓட்டங்களுடனும் களத்தில் உள்ளனர்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
ஏழாலை, யாழ்ப்பாணம், கொழும்பு, மெல்போன், Australia, சிட்னி, Australia
16 Jun, 2024
திருகோணமலை, மூதூர், புதுக்குடியிருப்பு, பருத்தித்துறை, Catford, United Kingdom
13 Jun, 2015
