லங்காசிறி FM
இலங்கை டெஸ்டில் ஜாம்பவானின் இமாலய சாதனையை நொறுக்கிய அனுபவ வீரர்
Sivaraj
in கிரிக்கெட்
இலங்கைக்கு எதிரான டெஸ்டில் வங்காளதேச வீரர் முஷ்பிகுர் ரஹீம் சதம் விளாசியதன் மூலம் கில்கிறிஸ்ட்டின் சாதனையை முறியடித்தார்.
முஷ்பிகுர் ரஹீம்
காலியில் நடந்து வரும் டெஸ்டில் வங்காளதேச அணியின் விக்கெட் கீப்பர் சதம் விளாசினார். அதன் பின்னரும் நங்கூர ஆட்டத்தை வெளிப்படுத்திய அவர் 150 ஓட்டங்களை கடந்தார்.
முஷ்பிகுர் ரஹீமின் (Mushfiqur Rahim) ஆட்டத்தின் மூலம் வங்காளதேச அணி 450 ஓட்டங்களை கடந்தது. அணியின் ஸ்கோர் 458 ஆக உயர்ந்தபோது, ரஹீம் 163 (350) ஓட்டங்களில் அசிதா பெர்னாண்டோ ஓவரில் ஆட்டமிழந்தார்.
எனினும், அவர் அவுஸ்திரேலிய ஜாம்பவான் வீரர் ஆடம் கில்கிறிஸ்ட்டின் (Adam Gilchrist) இமாலய சாதனையை முறியடித்தார்.
இமாலய சாதனை
அதாவது, சர்வதேச கிரிக்கெட்டில் ஒரு பந்துகூட வீசாமல் அதிக ஓட்டங்கள் எடுத்த வீரர் ரஹீம் ஆவார்.
கில்கிறிஸ்ட் 15,461 ஓட்டங்கள் குவித்த நிலையில், ரஹீம் தற்போது 15,509 ஓட்டங்கள் எடுத்துள்ளார். இவர்களுக்கு அடுத்த இடத்தில் குவிண்டன் டி காக் (12,654) உள்ளார்.
இதற்கிடையில், இலங்கை அணி இரண்டாம் நாள் ஆட்டநேர முடிவில் 9 விக்கெட்டுக்கு 484 ஓட்டங்கள் குவித்துள்ளது. அசிதா பெர்னாண்டோ, மிலன் ரத்னயாகே மற்றும் தரிந்து ரத்னயாகே தலா 3 விக்கெட்டுகளும் கைப்பற்றினர்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
யாழ்ப்பாணம், முகத்தான்குளம், செட்டிக்குளம், Liverpool, United Kingdom
20 Jun, 2025
வேலணை மேற்கு, வரக்காப்பொல, கிருலப்பனை, பரிஸ், France, Scarborough, Canada
26 Jun, 2024
