லங்காசிறி FM
ரஜினிகாந்த் பேசியதை பகிர்ந்த யூடியூப் சேனல்.., தலைப்பை பார்த்து பயந்துபோன உதயநிதி
யூடியூபில் ரஜினிகாந்துடன் தன்னை தொடர்புபடுத்தி பகிர்ந்த வீடியோவின் தலைப்பை பார்த்து உதயநிதி பயந்து போனதாக கூறியுள்ளார்.
தமிழக விளையாட்டுத் துறை மற்றும் இளைஞர் நலன் துறை அமைச்சர் உதயநிதி ஸ்டாலின் தமிழகத்தின் துணை முதலமைச்சராக பதவியேற்பார் என்று சில மாதங்களாக தகவல்கள் பரவி வருகிறது. இதனை சில திமுக எம்.எல்.ஏக்கள் மற்றும் அமைச்சர்களும் கூறி வருகின்றனர்.
இந்நிலையில், அமெரிக்க பயணத்தை முடித்து விட்டு வந்த தமிழக முதலமைச்சர் மு.க.ஸ்டாலின் அமைச்சரவையில் மாற்றம் ஏற்படும் என்று தெரிவித்திருந்தார்.
இந்த அறிவிப்பின் மூலம் உதயநிதி ஸ்டாலின் தமிழகத்தின் துணை முதலமைச்சராக பதவியேற்பார் என்று தகவல் பரவுகிறது.
இந்நிலையில் நேற்று நடிகர் ரஜினிகாந்திடம், உதயநிதியின் துணை முதலமைச்சர் பதவி விவகாரத்தை நீங்கள் எப்படி பார்க்கிறீர்கள் என்று செய்தியாளர்கள் கேள்வி எழுப்பினர்.
அதற்கு, கோபமடைந்த ரஜினிகாந்த், என்னிடம் அரசியல் கேள்விகள் கேட்காதீர்கள் என்று சொல்லியிருக்கிறேன் என்று கூறிவிட்டு சென்றார்.
உதயநிதி பேசியது
இந்நிலையில் சென்னையில் நிகழ்ச்சி ஒன்றில் பேசிய உதயநிதி, "நான் யூடியூபை பார்த்த போது அதில், உதயநிதி துணை முதலமைச்சராகிறாரா, சூப்பர் ஸ்டார் ரஜினிகாந்த் ஆவேசம் என்று தலைப்பு வைத்திருந்தார்கள், அதை பார்த்து பயந்து விட்டேன்.
இன்னும் இது தொடர்பான அறிவிப்பு எதுவும் வரவில்லை. இதன் முழு அதிகாரம் முதலமைச்சரிடம் தான் இருக்கிறது. அவரிடம் தான் இதை பற்றி கேட்க வேண்டும். என்னிடம் கேட்டால் சரி, அவரே பாவம்.
இப்போது இதற்கு கூட ரஜினிகாந்திற்கு உதயநிதி பதிலடி என்று தலைப்பு வைக்க போகிறார்கள்" என்று நகைச்சுவையாக பேசினார்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP இல் இணையுங்கள். |
துன்னாலை தெற்கு, ஜேர்மனி, Germany, நெதர்லாந்து, Netherlands, கனடா, Canada
16 May, 2021
